About Contact
०८ आषाढ २०७८, मंगलबार
Close
बिज्ञापन
सहयोगी विकाश बैंक सिटिजन्स बैंकमा बिलय हुदैँ

खोज केन्द्र मंगलबार, पौष २९, २०७६ मा प्रकाशित

featured photo: खोज केन्द्र

सिटिजन्स बैंक इन्टरनेसनल लिमिटेडले नेपाल राष्ट्र बैंकबाट ‘ख’ वर्गको इजाजत प्राप्त सहयोगी विकास बैंक लिमिटेडलाई प्राप्ति गर्ने भएको छ ।

बैंक तथा वित्तीय संस्था एक आपसमा गाभ्ने–गाभिने (मर्जर) तथा प्राप्ति (एक्विजिसन)सम्बन्धी विनियमावली–२०७३ बमोजिम सोमबार दुई बैंकबीच मर्जरका लागि अन्तिम सम्झौता भएको हो ।

सिटिजन्स बैंकको मुख्य कार्यालयमा आयोजित एक कार्यक्रमबीच सिटिजन्सको तर्फबाट सञ्चालक एवं मर्जर तथा प्राप्ति समितिका संयोजक प्रवलजंग पाण्डे र सहयोगीको तर्फबाट सञ्चालक एवं मर्जर तथा प्राप्ति समितिका संयोजक डिल्लीप्रकाश घिमिरेले मर्जरसम्बन्धी सहमतिपत्रमा हस्ताक्षर गरेका हुन् ।

दुवै बैंकले आ–आफ्नो विशेष/वार्षिक साधारणसभाबाट प्राप्तिसम्बन्धी विशेष प्रस्ताव पारित गरी नेपाल राष्ट्र बैंकको अन्तिम स्वीकृतिपछि एकीकृत कारोबार सुरु गरेको बताइएको छ ।

दुवै बैंकले गत असारमा प्राप्तिका लागि प्रारम्भिक समझदारीपत्रमा हस्ताक्षर गरेका थिए । सहयोगीलाई प्राप्ति गरेपछि सिटिजन्स बैंकको निक्षेप ८३ अर्ब २४ करोड रुपैयाँ पुग्नेछ भने ऋण लगानी ७३ अर्ब ९९ करोड रुपैयाँ पुग्ने बताइएको छ । एकीकृत कारोबारपछि बैंकको कुल शाखा ९९ पुग्नेछ ।

सहयोगी विकाश बैंकका सेयरधनीले १०० कित्ता सेयरबराबर सिटिजन्स बैंकको ९१.७५ कित्ता सेयर पाउने गरी स्वाप रेसियो निर्धारण गर्ने सहमतिसमेत दुई बैंकबीच भएको छ । एकीकृत कारोबारपछिबैंकको चुक्ता पुँजी ९ अर्ब ८ करोड हुनेछ ।

धनुषा, महोत्तरी र सिन्धुली कार्यक्षेत्र भएको सहयोगी विकाश बैंकले १४ शाखामार्फत बैंकिङ सेवा प्रदान गर्दै आएको छ भने सिटिजन्स बैंकले देशैभर ८५ शाखा, ८५ एटिएम तथा १०३ शाखारहित बैंकिङ एकाइमार्फत आधुनिक बैंकिङ सेवा प्रदान गर्दै आएको छ ।

सम्बन्धित

ताजा अपडेट
प्रदेस २: एमआरआई खरिद टेन्डर विवाद, समाजिक मन्त्रीको छोराको कमिशन वार्गेनिंग
उपेन्द्र पक्षले माग्यो आधिकारिकता
प्रदेश २: पानीमा डुबेर मर्नेको संख्या बढ्दो, डुबेर मृत्यु हुनेमा अधिकांश बालबालिका

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]