About Contact
०३ जेठ २०७९, मंगलबार
Close
बिज्ञापन
‘महामारीमा प्रदेस २ सरकार निकम्मा साबित, आलोचना हुने डरले प्रदेशसभा बैठक बोलाइएन’

कमलेश ठाकुर, जनकपुरधाम मंगलबार, जेठ ०४, २०७८ मा प्रकाशित

featured photo: खोज केन्द्र

जनकपुरधाम । प्रदेश नम्बर–२ मा पाँच महिनापछि गत चैत ३० गते प्रदेशसभा बैठक डाकियो । बाध्यात्मक अवस्थामा बैठक बोलाइएको थियो ।

पाँचौँ अधिवेशनको पहिलो बैठकपश्चात् वैशाख ९ गते दोस्रो बैठक आह्वान भयो । दोस्रो बैठकमा प्रदेशको नाम र राजधानीको लागि दर्ता भएको प्रस्तावमाथि छलफल भएर अर्को बैठक वैशाख १४ गतेको लागि डाकियो । तर, वैशाख १३ गते प्रदेशसभा सचिवालयमा कार्यरत तीनजना कर्मचारीमा कोरोना संक्रमण देखिएको भन्दै अर्को सूचना नभएसम्मको लागि बैठक स्थगित गरियो ।

बैठक स्थगित भएको आज २३ दिन पुगेको छ । संक्रमित कर्मचारी निको भएर घर पनि फर्किइसकेका छन् । तर, बैठक अन्योलमै छ ।

Agani Group

नेकपा (एमाले) संसदीय दलका नेता शत्रुधन महतोले बैठक नबोलाएको भन्दै आपत्ति जनाए । “ज्यानको डर सबैलाई छ भनेर आफ्नो जिम्मेवारीबाट पन्छिनु गलत हो,” उनले भने, “वैकल्पिक माध्यमबाट भए पनि बैठक बोलाउनुपर्छ ।”

सदन नचल्दा जनताको समस्या सरकारमाझ राख्न नसकेको उनले बताए । “अहिले प्रमुख दुईवटा विषयमा बैठक बस्नु आवश्यक छ । एक, जनताको जनधनको रक्षा अर्को, अगामी बजेटको तयारी,” उनले भने, “सरकारले छिटो विकल्प दिएन भने जनता निराश हुन्छन् । बिनातयारी हतारमा ल्याउने बजेटमा पनि ठोस योजना समावेश गर्न सक्दैन ।”

sarbottam cement

नेपाली कांग्रेस संसदीय दलका नेता रामसरोज यादवले महामारीमा सरकार निकम्मा साबित भएको तर्क गरे । सरकार गत वर्ष पनि कोरोना महामारी नियन्त्रणमा चुकेको भन्दै अहिलेको भयावह स्थिति सरकारकै कारण सिर्जना भएको आरोप उनले लगाए ।

प्रदेश सरकारले महामारीमा जनताको जनधनको रक्षा गर्न नसकेको भन्दै उनले ‘भोजको बेला तरकारी रोपेको’ भनि कटाक्ष गरे । “सरकार बेकामे छ, सदन चल्दा उसको आलोचना हुन्छ,” उनले भने, “सरकारले नाकामी लुकाउन बैठक नै बस्न दिएको छैन ।”

प्रदेश–२ मा कोरोना संक्रमणको अवस्था भयावह छ । सरकारको काम प्रभावकारी देखिएको छैन । संक्रमितले भेन्टिलेटर र अक्सिजन अभावमा ज्यान गुमाइरहेका छन् । कोभिड अस्पताल सञ्चालमा समेत ढिलाइ भइरहेको छ भने भएको अस्पतालमा जनशक्ति र साधन–स्रोत अभावमा बिरामी छटपटाइरहेका छन् । निषेधाज्ञासँगै विपन्न वर्गलाई बिहान–बेलुकाको छाक टार्न समस्या हुन थालेको छ ।

सम्बन्धित

ताजा अपडेट
धनुषाको धनौजी र नगराइनमा मतगणना स्थगित, धनौजी तनावग्रस्त, सेना परिचालन
क्षिरेश्वरनाथमा एमालेका उम्मेदबार सुखदेवको अग्रता
मुस्लिम आयोगका अध्यक्ष समिमको भूमिका शंकास्पद, तत्काल कारवाही गरः एमाले सचिव महासेठ

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]