About Contact
०३ जेठ २०७९, मंगलबार
Close
बिज्ञापन
यसरी हुँदैछ मधेसी दलमा विभाजन र एकता

हृदयेशको ठाउँमा शुक्लालाई लैजाने खेल

खोज केन्द्र शुक्रबार, बैशाख ३१, २०७८ मा प्रकाशित

featured photo: खोज केन्द्र

सत्ताका लागि पार्टी फुटाउने गरेको आरोप खेपिरहेका मधेसवादी दलले यसपटक पनि त्यस्ता आरोपलाई मिथ्या सावित गर्न सकेनन् । सरकार गठनलाई लिएर लामो समयदेखि विवादमा फसेको जनता समाजवादी पार्टी (जसपा) केपी शर्मा ओलीको पुन: सत्तारोहणसँगै विभाजनको डिलमा पुगेको छ ।

उक्त नाम फ्रिज भैसकेकाले संघीय जनता पार्टी गठन गर्ने छलफल अन्तिम चरणमा पुगेको बुझिएको छ ।’

काँग्रेसको नेतृत्वमा वैकल्पिक सरकार गठनको प्रयासमा रहेको पार्टीको बहुमत (उपेन्द्र-बाबुराम) खेमालाई चक्मा खुवाउँदै महन्थ ठाकुर र राजेन्द्र महतो प्रधानमन्त्री ओलीको पक्षमा लागेपछि मधेसवादी दल भनेर चिनिएको जसपा फुटको सन्निकट पुगेको हो ।

हिजो पुन: प्रधानमन्त्री नियुक्त भएका ओलीलाई भेट्न बालुवाटार पुगेका महन्थ-राजेन्द्रले नयाँ पार्टी बनाएर सरकारमा जाने संकेत दिइसकेको जसपाका एक नेताले खुलासा गरेका छन्  । पार्टी र संसदीय दलमा प्रष्ट बहुमतमा रहेको उपेन्द्र-बाबुराम पक्षले सरकारमा गए कारवाही गर्ने चेतावनी दिइरहेका बेला महन्थहरु आफैं नयाँ पार्टी गठनको तयारीमा जुटेको स्रोतको दाबी छ ।

‘जसपामा अब विभाजन कसैले चाहेर रोक्न सक्ने देखिंदैन,बहुमत पक्षले कारवाही गर्दा महन्थ ठाकुरहरु अर्को दल बनाएर जाने तयारीमा हुनुहुन्छ’,निकट स्रोतले भन्यो, पहिलेको राजपा नै लिने उहाँहरुको चाहना देखिन्छ । तर उक्त नाम फ्रिज भैसकेकाले संघीय जनता पार्टी गठन गर्ने छलफल अन्तिम चरणमा पुगेको बुझिएको छ ।’

महन्थको संघीय जनता पार्टी र हृदयेशको समाजवादी जनता दलबीच एकता गरेर चुनाव केन्द्रित अभियानमा लाग्ने सहमति भएको स्रोत दाबी गर्छ ।

त्यस्तो नाम जुराउनुको पनि अर्थ रहेको भन्दै स्रोत अगाडि भन्छ,  ‘नाममा संघीय जोडिंदा मधेसको मात्र नभई सिंगो मुलुकको प्रतिनिधित्व गर्ने दलका रुपमा देखाउन सकिने उहाँहरुको बुझाइ होला । भएको पार्टी धुजाधुजा बनाएर गरिने यस्ता तर्कको के अर्थ रहला र !’

यता,सूर्य चिन्ह लिएर स्वतन्त्र उम्मेदवारका रुपमा चुनाव जिती शुरुदेखि नै ओली सरकारमा मन्त्री खाइरहेका हृदयेश त्रिपाठी पनि दल दर्ताको तयारीमा जुटेको  बताइन्छ । स्रोतका अनुसार त्रिपाठी समूह समाजवादी जनता दल नामको पार्टी खोल्ने अन्तिम गृहकार्यमा छ । नयाँ पार्टी गठनपछि महन्थको संघीय जनता पार्टी र हृदयेशको समाजवादी जनता दलबीच एकता गरेर चुनाव केन्द्रित अभियानमा लाग्ने सहमति भएको स्रोत दाबी गर्छ ।

अबको एक महिनामा जसपा विभाजन,नयाँ दल गठन हुँदै एकतासम्म भ्याइसक्ने गरी तीब्र तयारी थालिएको बताइन्छ । जिकिर गर्दै स्रोतले भन्यो,’एक महिनामा दल दर्ता गरिसक्ने र केपी ओलीलाई विश्वासको मत दिने उहाँहरुको तयारी छ ।’

महन्थ खेमाले पौने दर्जन मन्त्रालय र उपसभामुखमा दावी गरेको छ । हिजो प्रधानमन्त्रीसँगको भेटमा त्यसबारे छलफल भैसकेको बताइन्छ । प्रधानमन्त्रीले महन्थ खेमालाई सरकारमा भाग लिन आव्हान पनि गरिसक्नुभएको छ  ।

मधेसी दलमा पैदा भएको यस्तो ध्रुविकरणले दुई नम्बर प्रदेश सरकारको भविष्य पनि धरापमा पर्ने अनुमान गरिएको छ । त्यहाँ मुख्यमन्त्री उपेन्द्र पक्ष र सभामुख महन्थ खेमाका छन् । त्यसैले गण्डकी र लुम्बिनीमा जस्तै दलीय स्वार्थका बाछिटाले कुनैपनि बेला सरकार ढल्ने,त्यसपछि महन्थ खेमा र एमालेको ओली पक्ष मिलेर सरकार बनाउने सम्भावना बढेको बताइन्छ ।

हृदयेशको ठाउँमा शुक्लालाई लैजाने खेल 

यता,हृदयेश त्रिपाठीलाई फुकालेर सर्वेन्द्रनाथ शुक्ललाई स्वास्थ्यमन्त्री बनाउने चलखेल पनि शुरु भएको बताइन्छ । महन्थ र हृदयेश दुवै बालुवाटारका विश्वासपात्र भएपनि स्वास्थ्यमन्त्रीमा शुक्लालाई लैजान महन्थले ओलीलाई कन्भिन्स गरेको स्रोतको भनाइ छ ।

स्रोतले भनेअनुसार महन्थकै कारण सरकारमा आफ्नो दोस्रो इनिङ सम्भव भएको बुझ्नुभएका ओली त्यसको गुण तिर्न महन्थको रोजाईको पात्रलाई रोजेको मन्त्रालय दिन तयार हुनुहुन्छ  । त्यसो त आफ्नै विश्वासपात्र भानुभक्त ढकाललाई स्वास्थ्यमन्त्री बनाउँदा ओम्नी प्रकरणमा विवादित भएकाले एमाले बाहिरकालाई स्वास्थ्य मन्त्रालय जिम्मा लगाउन ओलीले नै चाहेको र महन्थले भनेकै पात्रले स्वास्थ्यमा इन्ट्री गर्ने अनुमान लगाइएको छ ।

भानुभक्त विवादमा आउनुअघि उपेन्द्र यादवलाई थन्क्याइएको स्वास्थ्य मन्त्रालय पछि हृदयेशलाई जिम्मा दिइएको हो । अब महन्थले चाहे हृदयेशलाई रिप्लेस गरेर शुक्ला स्वास्थ्यमन्त्री बन्ने सम्भावना छ ।

अहिले मेडिकल शिक्षा र समग्र स्वास्थ्य क्षेत्रमा राम्रो आम्दानी हुने देखिएकाले शुक्ला स्वास्थ्यमन्त्री बन्न मरिहत्ते गरेर लागेको बताइन्छ ।

सम्बन्धित

ताजा अपडेट
धनुषाको धनौजी र नगराइनमा मतगणना स्थगित, धनौजी तनावग्रस्त, सेना परिचालन
क्षिरेश्वरनाथमा एमालेका उम्मेदबार सुखदेवको अग्रता
मुस्लिम आयोगका अध्यक्ष समिमको भूमिका शंकास्पद, तत्काल कारवाही गरः एमाले सचिव महासेठ

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]