About Contact
११ आषाढ २०७८, शुक्रबार
Close
बिज्ञापन
अक्सिजनको जोहो गर्नुपर्ने बेला प्रदेश २ सरकारको ध्यान कमिशन र साइकल बाँड्न

सुमित मिश्र बुधबार, बैशाख २९, २०७८ मा प्रकाशित

featured photo: खोज केन्द्र

जनकपुरधाम : नेपालमा काठमाडौं उपत्यकापछि प्रदेश २ मा कोरोना संक्रमणको दर सबैभन्दा बढी रहेको छ। प्रदेश २ मा संक्रमित बिरामीहरुले अक्सिजन र भेन्टिलेटरसहितको शय्या अभावका कारण दिनहुँ ज्यान गुमाउँदै आइरहेका छन्। यस्तो अवस्थामा प्रदेश सरकार आफ्ना नागरिकको ज्यानको रक्षामा केन्द्रित हुनुपर्नेमा साइकल बनाउन र निर्मित मन्दिरको निरक्षणका साथै शिलान्यासमै व्यस्त देखिन्छ।

अहिले प्रदेश २ को अधिकांश अस्पतालमा अक्सिजन र भेन्टिलेटरको अभाव छ भने अस्पतालमा कोरोना संक्रमितहरुलाई उपचारका लागि शय्या पाउन समेत दौडधुप गर्न परिरहेको छ। प्रदेश २ का अधिकांश जिल्लामा अक्सिजनको माग भन्दा आधा आपूर्ती गर्न समेत सरकार असमर्थ छ। सरकारसँग त प्रदेशमा दैनिक कति अक्सिजनको आवश्यकता छ भन्ने तथ्यांक पनि छैन। तर, सरकारलाई भने बजेट फ्रिज नहोस् भन्ने चिन्ताले सताइरहेको जानकारहरु बताउँछन्।

अहिले प्रदेश सरकार अक्सिजन र भेन्टिलेटरका लागि सहजीकरण गर्नुपर्नेमा ‘बेटी पढाउ बेटी बचाउ’ अभियान अन्तर्गत छात्राहरुलाई साइकल बाँड्नका लागि मधेश भवनको परिसर भित्र रहेको गोदाम घरमा साइकल बनाउनमै व्यस्त छ।

सरकारले ‘मुख्यमन्त्री बेटी पढाउ बेटी बचाउ’ अभियान अन्तर्गत यस वर्ष १७ हजारसम्म साइकल बाँड्ने लक्ष्य लिएको अभियानका संयोजक प्रियंका यादवले जानकारी दिइन्।

‘यस वर्ष १७ हजार साइकल बाँड्ने हाम्रो लक्ष्य थियो तर बिचमै लकडाउन भयो त्यसैले वितरण गर्न सकिएन। यद्यपि साइकल बनाउने कार्य भने द्रुत गतिमा भइरहेको छ,’ उनले भनिन्, ‘१७ हजारमध्ये ३ हजारसम्म साइकल बाँडिसकिएको छ। कोरोना महामारीको संक्रमण साम्य भएलगत्तै बाँकी साइकलहरु समेत बाँडिने छ। काम चलिरहेको छ। साइकलहरु पर्सा र जनकपुरधाममा रहेको स्टोरमा धमाधम तयार हुँदैछ।’

आन्तरिक मामिला तथा कानुन मन्त्री ज्ञानेन्द्र कुमार यादवले कोरोना कालमा आएर साइकल वितरण गर्न लागेको भन्ने कुरा निराधार रहेको बताए।

उनले भने, ‘साइकल वितरण पुरानै योजना अनुसार भइरहेकाले यसलाई महामारीसँग जोडेर नहेर्न आग्रह गर्न चाहन्छु।’

उनले अहिले प्रदेश सरकारका सम्पूर्ण सदस्यहरु कोरोना रोकथाम तथा नियन्त्रणका लागि व्यस्त रहेको दावी समेत गरे। कुनै पनि किसिमको विकास निर्माण कार्य प्रदेश सरकारको प्राथमिकतामा नभएर नागरिकको ज्यानको रक्षा नै पहिलो प्राथमिकतामा रहेको मन्त्री यादवको भनाइ थियो।

खुल्ला सिमानाका रहेकाले प्रदेश २ कोरोना नियन्त्रण तथा रोकथामका लागि निकै नै चुनौतीपूर्ण रहेपनि कोरोना संक्रमणको चेन ब्रेक गर्नका हरसम्भव प्रयास गरिरहेको उनले बताए।

सम्बन्धित

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]