featured photo: खोज केन्द्र

काठमाडौं । सर्वोच्च अदालतले प्रतिनिधिसभा विघटन बदर गरिदिएको छ । 

प्रधानन्यायाधीश चोलेन्द्रशम्शेर जबरा, न्यायाधीशहरु विश्वम्भरप्रसाद श्रेष्ठ, अनीलकुमार सिन्हा, सपना प्रधान मल्ल र तेजबहादुर केसीको संवैधानिक इजलासले मंगलबार  संसद विघटन बदर हुने फैसला सुनाएको हो ।

अबको १३ दिनभित्र संसदको बैठक बोलाउन पनि सर्वोच्चले आदेश दिएको छ । 

 ०७७ पुस ५ को मन्त्रिपरिषद् बैठकले प्रतिनिधिसभा विघटन गर्न राष्ट्रपतिलाई सिफारिस गरेको थियो । त्यही आधारमा राष्ट्रपति भण्डारीले सोही दिन संसद् विघटन गरेर वैशाख १७ र २७ का लागि निर्वाचन घोषणा गरेकी थिइन् । 

संसद् विघटनको घोषणासँगै सर्वोच्चमा असंवैधानिक भएको भन्दै रिट परेको थियो । त्यसबारे संवैधानिक इजलासमा बहस गराएको सर्वोच्चले मंगलबारे फैसला गरेको हो । 

योसँगै केही समयदेखि चुलिएको अन्योलता हटेको छ ।