About Contact
३० चैत्र २०७७, सोमबार
Close
बिज्ञापन
महोत्तरीको बर्दिवासमा मेडिकलको मनपरी

नागरिकको स्वास्थ्यमा खेलबाड

खोज केन्द्र मंगलबार, माघ २७, २०७७ मा प्रकाशित

featured photo: खोज केन्द्र

महोत्तरी, २७ माघ । स्थानीय सरकार संचालन ऐन २०७४ को कार्य विस्तृतीकरणका आधारमा स्थानीय तहमा स्वास्थ्य संस्था दर्ता, संचालन अनुमति तथा नवीकरण सम्बन्धी निर्देशिका–२०७४ लागु भएको छ ।

आमनागरिकलाई सर्वसुलभ र गुणस्तरीय स्वास्थय सेवा प्रदान गर्न कार्यविधि नै बनाइएको छ । तर, कार्यविधिभन्दा बाहिर गएर खुलेका यस्ता क्लिनिक अहिले टाउको दुखाई बनेका छन् । शुल्क महंगो लिने तर गुणस्तरीय उपचार सेवा दिन नसक्ने समस्याले बिरामी मर्कामा परेका छन् ।

स्वास्थ्य तथा जनसंख्या मन्त्रालयले जारी गरेको निर्देशिकाले औषधि पसल, क्लिनिकको काम, कर्तव्य र अधिकार व्याख्या गरेको छ । सर्वसुलभ मुल्यमा औषधि पसलले औषधि विक्री गर्नुपर्छ । क्लिनिकले स्वास्थ्य मापदण्ड पूरा गरेर गुणस्तरीय उपचार सेना प्रदान गर्नुपर्छ ।  तर, महोत्तरीको बर्दिवास नगरपालिकाका क्लिनिकले भने चरम लापरवाही गरिरहेका छन् ।

मेडिकल सम्बन्धी औपचारिक अध्ययन नै नगरेकाले विशेषता मिलेकै भरमा रोग घोषणा गरी नियम विपरित संचालन गरिएको प्रयोगशालामा उपचार गरिरहेको भेटिन्छ । छाप्रोहरुमा पनि मेडिकल खुलेका छन् । न त मेडिकल सम्बन्धी कुनै ज्ञान न त पढाई नै ! पैसा कमाउने एक मात्र उद्देश्यमा खुलेका यस्ता क्लिनिकबाट नागरिकको स्वास्थ्यमा खेलवाड भइरहेको छ ।

नगरपालिकामा एउटा मात्र सरकारी अस्पताल छ । जहाँ दरबन्दीका चार जना डाक्टर र तीन जना करार सहित ७ जना मात्र कार्यरत छन् । स्वास्थ्यकर्मी पर्याप्त हुँदा सरकारी अस्पतालमा राम्रो सेवा छैन ।

सरकारी अस्पतालले राम्रो सेवा दिन नसक्दा विरामी मापदण्ड विपरीत खुलेका स्वास्थ्यकेन्द्र जान बाध्य छन् । सरकारी अस्पतालले राम्रो सेवा दिन नसकेको उपभोक्ताबाट गुनासो आइरहँदा बर्दिवास अस्पताल भने नागरिकले भने जस्तो समस्या नभएको दावी गर्छ ।

यस्ता स्वास्थ्यकेन्द्र अनुगमन गरेर कारवाही गर्न स्थानीयले माग गरेका छन् । स्थानीयको चरम गुनासोपछि बल्ल यस्ता स्वास्थ्य केन्द्रको अनुगमन गर्ने नगरपालिकाले तयारी गरेको छ ।

स्वास्थ्य जस्तो संवेदनशील विषयमा हेलचेक्र्याइ गरेर जनताको मौलिक हक नै हनन हुने अवस्था सिर्जना भए पनि सम्बन्धित निकाय बेखबर जस्तै बन्नु दुखद रहेको स्थानीय अधिकारकर्मी बताउँछन् ।

सम्बन्धित

ताजा अपडेट
प्रदेस २: एमालेमा गएका चार सांसद पदमुक्त
मिथिला लघुवित्तको सञ्चालकमा मन्दिरा आचार्य निर्वाचित
बन्ने भो सहिद नितु यादव स्मृति भवन, भौतिक मन्त्री सोनलद्वारा शिलान्यास

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]