About Contact
१८ फाल्गुण २०७७, मंगलबार
Close
बिज्ञापन
जसपामा दुई धार, उपेन्द्र यादबलाई सिरहामा कालो झण्डा देखाउने चेतावनी

खोज केन्द्र शुक्रबार, माघ ०२, २०७७ मा प्रकाशित

featured photo: खोज केन्द्र

जनता समाजवादी पार्टी (जसपा) मा दुई धार देखिएको छ ।

जसपाले संसद् विघटनविरुद्ध सिरहामा गर्न लागेको सभा विवादित बनेको हो ।

आन्दोलनको घोषणा गर्दा सभामा सहभागी हुने नेताको नाम मर्यादाक्रम मिचेर राखेपछि विवाद उत्पन्न भएको हो ।

जसपाले जनप्रदर्शन एवम् विरोध सम्बन्धी कार्यक्रमका लागि जारी गरेको परिपत्रमा माघ ३ मा सिरहामा हुने प्रदर्शन तथा सभामा रेणुकुमारी यादव, अनिल झा, विजय यादव र राजकिशोर यादव सहभागी हुने उल्लेख छ । परिपत्र गर्दा मर्यादाक्रम मिचेर आफ्नो नाम सबभन्दा तल राखेकोमा नेता राजकिशोर यादवले असन्तुष्टी पोखेका छन् । उनले कार्यक्रम नै बहिष्कार गर्ने बुझिएको छ ।

अहिले सिरहामा जताततै मर्यादाक्रमबारे अनेक टिकाटिप्पणी भइरहेका बेला राजकिशोर निकट नेता राजाराम यादव र जसपा अध्यक्ष उपेन्द्र यादवसँग फोनमा चर्काचर्की भएको अडियो सार्वजनिक भएको छ ।

अडियोमा उपेन्द्र यादव परिपत्रमा मर्यादाक्रम अनुसार नाम नलेखेको बताउँछन् । तर, नेता राजाराम त्यो नसच्याए एउटा समूह (राजकिशोरका समर्थक) कार्यक्रममा सहभागी नहुने भन्छन् । त्यसपछि उपेन्द्र यादवले रिसाएर ‘ओलीको कार्यक्रममा जान र पार्टी छाडेर भाग्न’ भनेका छन् ।

जवाफमा नेता राजारामले भनेका छन्,–तपाई डिक्टेटरशीप चलाउनुहुन्छ । अध्यक्ष हुनुहुन्छ भने के भयो ? तपाई आउनुस् सिरहा हामी पार्टीकै मान्छे कालो झण्डा देखाउँछौं ।’ उनले सिरहाको कार्यक्रम समेत राजकिशोरको समूहले बहिष्कार गर्ने चेतावनी दिएका छन् ।

राजकिशोर यादव तत्कालिन राजपाका अध्यक्ष मण्डल सदस्य थिए । पार्टी एकतापछि उनी रेणु यादवभन्दा पनि मर्यादाक्रममा अगाडी छन् । फोनमा भएको चर्काचर्कीले पार्टीको एकता प्रक्रियामा असर पर्ने देखिन्छ ।

सम्बन्धित

ताजा अपडेट
अख्तियारको छापा प्रति स्थानियको शंका, ८ लाख घुस रकम बरामद, घुस लिने अध्यक्ष फरार
घुस लिदै गर्दा बटेश्वर गाउँपालिकामा अख्तियारको छापा, अध्यक्ष फरार, चालक नियन्त्रणमा
मन्त्री कुशवाहाद्वारा समुदायिक भवन र बाउन्ड्रीवाल निर्माण शिलान्यास

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]