About Contact
१७ फाल्गुण २०७७, सोमबार
Close
बिज्ञापन
दिल्लीको दु:खदै छ दिल !

खोज केन्द्र मंगलबार, कार्तिक ०४, २०७७ मा प्रकाशित

featured photo: खोज केन्द्र

कोरोना महामारीपछि अस्तव्यस्त भएको हवाई सम्बन्ध सुचारु गर्न भारतले नेपालसँग दुई महिनादेखि ‘एयर बबल’ का लागि अनुमति मागिरहेको छ । तर, नेपालले बेवास्ता गर्दा अहिलेसम्म उताको चाहना पूरा हुन पाएको छैन ।

‘एयर बबल’ भनेको भारतबाट आउने जहाजबाट नेपाली यात्रु काठमाडौं आोर्लिने र काठमाडौंबाट भारतीय यात्रुमात्रै जाने भाइचारा हवाई सम्बन्ध हो । भारतले यस्तो अनुमति १० वटा देशलाई दिएको छ । तर, नेपालसँग अनुमति मागेको दुई महिना बितिसक्दा पनि नपाएपछि दिल्लीस्थित दूतावासका कर्मचारीहरु हैरानी खेप्दैछन् । राजदूत नीलाम्बर आचार्यले नेपाल सरकारलाई कम्तिमा हप्तामा दुईवटा त्यस्तो उडान गर्न पाए राम्रो हुने सुझाव दिइसकेका छन् । तर, राजदूतकै सुझावको पनि सुनुवाई भएको छैन । प्रस्ताव क्याबिनेटमा अड्किएर बसेको छ ।

तर, नेपालले चीनसँग भने त्यस्तो उडान शुरु गरिसकेको छ । चीनको तुलनामा भारतसँग नेपालको भौगोलिक, सामाजिक, साँस्कृतिक र धार्मिक रुपमा पनि सहज सम्बन्ध छ । तर, नेपालले त्यस्तो छिमेकीसँग एयर बबल गर्न नचाहँदा भारतीय अधिकारीहरुले मन दुखाइरहेको दूतावासका कर्मचारीहरु बताउँछन् ।

अर्कातिर, भारतबाट स्थलमार्ग हुँदै आउने यात्रुलाई विभिन्न भन्सार नाकामा दुःख बढेको छ । तिनीहरुले पिसिआर नेगेटिभ भएको रिपोर्टसहित आउनुपर्ने र आएपछि गृह मन्त्रालय हुँदै सम्बन्धित प्रमुख जिल्ला अधिकारीबाट प्रवेश अनुमति लिनुपर्ने व्यवस्था छ ।

यसबीच नेपालमा हवाई सेवा सुचारु त भयो, तर यात्रु अभावका कारण सेवाप्रदायक कम्पनीहरु घाटामा चलिरहेका छन् । विदेशबाट आउने जहाजमध्ये पनि कतार एयरलाइन्सले गर्ने ट्रान्जिट फ्लाइटका कारण त्यसले बढी यात्रु बोक्छ । तर, आउँदा भरिभराऊ, जाँदा खालि अवस्था छ ।

उता, अन्तर्राष्ट्रिय विमानस्थलको ग्राउण्ड ह्याण्डलिङको जिम्मा पाएको यति समूहनिकट हिमालयन एयरलाइन्सले काम शुरु गर्न अझै ६ महिनादेखि एक वर्षसम्म लाग्ने भएको छ । शुरुमा इन्स्पेक्सन (निरीक्षण) हुनुपर्छ, त्यही काम बाँकी छ ।

त्यसपछि विभिन्न निकायको सहमति, अनुमति लिनेजस्ता चरणमा पुगेकै छैन । अनि, तेस्रो पक्ष (थर्डपार्टी) बिमा गर्नुपर्छ, पाँच करोड डलरको । यी सबै काम सिध्याएर ग्रउण्ड ह्याण्डलिङ शुरु गर्न झण्डै एक वर्ष लाग्ने भएको हो ।

सम्बन्धित

ताजा अपडेट
झा दम्पतिको वेपत्ता प्रकरण: डिआईजी सिंह भन्छन – छिटै अपराधी सार्वजनिक हुन्छ
सर्मिष्ठाले सुसाईड नोट लेख्दै भनिन ‘राहुललाई कारवाही होस’
नागरिकता माग्दै धनुषामा प्रदर्शन

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]