About Contact
०९ कार्तिक २०७७, आइतबार
Close
बिज्ञापन
तराई–मधेश समृद्धि कार्यक्रम : भवन निर्माणमा गुणस्तरहीन सामग्री प्रयोग

खोज केन्द्र सोमबार, पौष १४, २०७६ मा प्रकाशित

featured photo: खोज केन्द्र

राजविराज । तराई–मधेश समृद्धि कार्यक्रम अन्तर्गत राजविराज नगरपालिकाले निर्माण शुरू गरेको सामुदायिक भवनमा गुणस्तरहीन निर्माण सामग्री प्रयोग भएको पाइएको छ ।

६५ लाख रुपैयाँ लागतमा राजविराज–७ मा निर्माणाधीन उक्त भवनमा सम्झौता विपरीत इँटा प्रयोग भएको पाइएको हो । भवन निर्माणमा १ नम्बरको इँटा प्रयोग गर्ने सम्झौता भएको थियो ।

ठेकेदार कम्पनी धर्मराज निर्माण सेवाले सम्झौता र मापदण्डविपरीत निर्माण सामग्री प्रयोग भएको पाइएपछि स्थानीयले विरोध गरेका छन् । कम्पनीले निर्माणस्थलमा सूचना बोर्ड समेत नराखी मनलाग्दी ढंगले काम गर्दासमेत नगरपालिकाले बेवास्ता गरेको स्थानीय अनिल पेडिवालको आरोप छ ।

कम्पनीका प्रतिनिधि विनोद विहारीले अन्यत्र झार्नुपर्ने २ र ३ नम्बरको इँटा भूलवश सामुदायिक भवन निर्माण स्थलमा खसालिएको जिकीर गरे । निर्माणस्थलमा थुपारिएका इँटा सामुदायिक भवन निर्माणका लागि नभएको उनको भनाइ छ । विहारीले गल्तीको ढाकछोप गरेको भन्दै स्थानीयले छानबिन गरेर गलत गर्नेमाथि कारबाही गर्न माग गरेका छन् ।

स्थानीयको विरोधपछि राजविराज नगरपालिकाका सूचना अधिकारी मनोजकुमार यादवले भवन निर्माणस्थलको अनुगमन गरिने बताएका छन् । ‘केही दिनमै भवन निर्माणस्थलको अनुगमन गर्छौं,’ उनले भने, ‘निर्माणस्थलमा सूचना बोर्ड समेत राख्न लगाउँछौं ।’

सम्बन्धित

ताजा अपडेट
जनकपुर: राजदेवी मन्दिर मा ८९६८ बोका बली दिईयो (फोटो फिचोर)
प्रशासनको उर्दिका बबाजुद्व राजदेवी मन्दिरमा बलि दिईने
पूर्वराजा ज्ञानेन्द्रको सरकारलाई प्रश्न- जनताको अभिभावक खोई !

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]