About Contact
०९ मंसिर २०७७, मंगलबार
Close
बिज्ञापन
लोक सेवामा बढ्दो सेटिङ, घट्दो गरिमा, १४ हजार पदमा भर्ना अन्योलमा, १३४८ पदमा भर्ना स्थगित

खोज केन्द्र मंगलबार, भाद्र २३, २०७७ मा प्रकाशित

featured photo: खोज केन्द्र

काठमाडौं, २३ भदौ । नेपालमा जनताको सबैभन्दा धेरै विश्वास भएको संस्था लोक सेवा आयोग हो । यही निकायको पनि पछिल्लो समय आफ्नो गरिमा गुमाउँदै गएको छ । आयोगकै केही कर्मचारी तथा विज्ञहरुको कारण आयोगभित्र हुने सेटिङ बाहिर आउन थालेको छ ।

आयोगले सञ्चालन गरेको सहसचिवकै परीक्षामा मिलेमतो देखिएको छ । नतिजामा चलखेल भएको आधार देखिएपछि आयोगले गत महिना राजपत्रांकित प्रथम श्रेणी(सूचना प्रविधि विज्ञ)को लागि लिइएको लिखित परीक्षाका नतिजा रद्द गरेको छ । यससम्बन्धमा छानबिन भइरहेको आयोगले जनाएको छ । यसअघि दरखास्त स्वीकृत भएका उम्मेदवार मात्र सम्मिलित हुने गरी फेरि परीक्षा सञ्चालन गर्न लागिएको छ ।

यसअघि पनि पटक पटक आयोगभित्र यस्ता काम भएका छन् । हाल संघीय मामिला तथा सामान्य प्रशासन मन्त्रालयका सचिव रहेका सूर्यप्रसाद गौतमले आफ्नै श्रीमतीको कापी जाँचेका थिए । तर, उनलाई कारबाही भएन । बरु, सचिव बढुवा गरी आकर्षक मन्त्रालय दिएर पुरस्कृत गरिएको छ । कतिपय सेटिङहरु बाहिर नआईकन भएका हुनसक्ने समेत आशंका गरिएको छ । अब लोक सेवा आयोगहरु हरेक प्रदेशमा स्थापना हुने गरेका छन् । जहाँ पदाधिकारीहरु नै पार्टी निकट व्यक्तिहरु नियुक्त भएका छन् । जसकारण अबका दिनमा लोक सेवाको गरिमा झन् घट्न सक्ने चिन्ता कर्मचारीको छ ।

 आयोग स्रोतका अनुसार, एक पदका लागि भएको सो बिज्ञापनमा १० जनाले लिखित परीक्षा दिएकोमा तीन जना उत्तिर्ण भएका थिए । उनीहरुको गत असारमै अन्र्तवार्ता तय भएको थियो । तर, लिखित परीक्षाको नतिजामै मिलेमतोको सूचना आएपछि स्थगित गरिएको थियो । ‘थप छानबिन गर्दा कापी जाँच्ने र परीक्षार्थीबीच मिलेमतोको पर्याप्त आधार देखिएपछि लिखित परीक्षाकै नतिजा रद्द गरेका हौं,’ आयोगका एक उच्च अधिकारीले भने । आयोगले विभिन्न क्षेत्रका विज्ञहरुलाई यसरी काँपी जाँच्न लगाउने गर्दछ । परीक्षामा कोडिङ र डिकोडिङ हुने भएपनि कापी जाँच्ने विज्ञ पत्ता लगाएको हुनसक्ने आशंका गरिएको छ । परीक्षार्थी र विज्ञ दुवैलाई आयोगले कारबाहीको तयारी गरेको छ । कतिपय प्राविधिक विषयमा विज्ञ थोरै हुने र परीक्षा दिने र लिनेबीच चिनजान हुँदा कपीमा कोड भाषा राखेर यस्तो सेटिङ हुन थालेको छ । जुन आयोगका लागि नयाँ चुनौती बनेको छ ।

यसअघि छोरीले दिएको लिखित परीक्षाको कापी बुबाले जाँचेको खुलेपछि आयोगले परीक्षा रद्द गरी बुबा–छोरीलाई नै कारबाही गरेको थियो । आयोगकै अधिकृत मिमबहादुर शाहीले आफ्नै छोरीको कापी जाँचेका थिए । वस्तुगत परीक्षाको उत्तर सबै सी लेख्न लगाएर उनले सेटिङ गरेका थिए ।

यसअघि पनि पटक पटक आयोगभित्र यस्ता काम भएका छन् । हाल संघीय मामिला तथा सामान्य प्रशासन मन्त्रालयका सचिव रहेका सूर्यप्रसाद गौतमले आफ्नै श्रीमतीको कापी जाँचेका थिए । तर, उनलाई कारबाही भएन । बरु, सचिव बढुवा गरी आकर्षक मन्त्रालय दिएर पुरस्कृत गरिएको छ । कतिपय सेटिङहरु बाहिर नआईकन भएका हुनसक्ने समेत आशंका गरिएको छ । अब लोक सेवा आयोगहरु हरेक प्रदेशमा स्थापना हुने गरेका छन् । जहाँ पदाधिकारीहरु नै पार्टी निकट व्यक्तिहरु नियुक्त भएका छन् । जसकारण अबका दिनमा लोक सेवाको गरिमा झन् घट्न सक्ने चिन्ता कर्मचारीको छ ।

कहिले खुल्छ लोक सेवा ?

कोरोना संक्रमणपछि निम्तिएको आर्थिक संकटले बेरोजगारी बढीरहेका बेला सरकारी सेवामा समेत भर्ना अवरुद्ध हुन पुगेको छ । सरकारी सेवा प्रवेशका लागि दरखास्त दिएका करिब दुई लाख युवा भर्ना रोकिँदा प्रत्यक्ष रुपमा प्रभावीत बनेका छन् ।

मन्त्रिपरिषद्को १४ बैशाखमा बसेको बैठकले अर्काे निर्णय नभएसम्मका लागि सबै भर्ना प्रक्रिया रोक्न भनेको थियो । सोहीअनुसार लोक सेवा आयोगले परीक्षाहरु स्थगित गरेको हो । नयाँ आर्थिक वर्ष सुरु भएपछि आयोगले स्थगित परीक्षा समेत समेटर नयाँ कार्यतालिका सार्वजनिक गरेपनि कार्यतालिकाअनुसार यो वर्ष पनि भर्ना प्रक्रिया अघि बढ्ने सम्भावना न्यून देखिएको छ । केही परीक्षाहरु सरकारबाट अर्काे निर्णय नभएसम्मका लागि रोक्न नै पत्राचार भएको छ । भर्ना प्रक्रिया रोकिदा एकातर्फ परीक्षाको तयारीमा रहेकाहरु प्रभावित भएका छन् । यसबाट खासगरी सुरक्षा निकायमा जनशक्ति अभावको समस्या देखिन थालेको छ ।

सरकारबाट स्थगतका लागि आग्रह भएका केही विज्ञापन बाहेक अन्य पदमा परीक्षा प्रक्रिया अघि बढाउने आयोगको योजना रहेपनि कोरोना संक्रमण बढ्दै गएकाले सुरु गर्न नसकिएको आयोगकी प्रवक्ता गीता कुमारी होमेगाइको भनाइ छ । दरखास्त लिइसकेका विज्ञापनमा अवस्था सामान्य भएपछि परीक्षा सुचारु हुने उनको भनाइ छ । सरकारबाट अर्काे निर्णय नभएसम्म नयाँ भर्नाका लागि आफुहरुले आयोगलाई पत्राचार नगर्ने संघीय मामिला तथा सामान्य प्रशासन मन्त्रालयका प्रवक्ता बसन्त अधिकारीले बताए । कर्मचारी अभावले ठूलो समस्या नभएको उनी बताउँछन् ।

निजामतीतर्फ ३३ हजार कर्मचारी विभिन्न तहको परीक्षामा सहभागी थिए । त्यस्तै सुरक्षा निकाय र सार्वजनिक संस्थानतर्फ ५९ हजार ८ सय ३७ जना लिखित परीक्षामा सहभागी हुने तयारीमा थिए । त्यस बाहेक नेपाली सेनाको ६ हजार ६७ पदमा तथा नेपाल प्रहरीको चार हजार ६६ पदमा कति लिखित परीक्षामा सहभागी हुँदै थिए भन्ने विवरण आयोगमा पुगिसकेको थिएन । नेपाल बिद्युत् प्राधिकरण, नेपाल आयाल निगम जस्ता निकायमा पनि हजारौं आवेदन परीसकेका थिए । जसअनुसार दरखास्त दिइसकेका दुई लाख जना अहिले प्रभावित भएको आयोगका अधिकारीहरु बताउँछन् । यो वर्षको नियमित भर्ना प्रक्रिया समेत रोकिदा सरकारी सेवाको आकांक्षामा रहेका ठूलो संख्या प्रभावित बनेको छ । आयोगले लिने परीक्षामा एकै वर्ष आठ लाख ४४ हजार दुई सय ५६ सम्म सहभागी भएको तथ्याङक छ । आर्थिक वर्ष २०७३÷७४ मा त्यति धेरै सहभागी भएका थिए । त्यस्तै २०७४÷७५ मा पाँच लाख ६७ हजार सहभागी भएका थिए ।

१४ हजार पदमा भर्ना अन्योलमा

 गत आर्थिक वर्षमा १४ हजार चार सय ९२ पदमा अघि बढेको भर्ना प्रक्रिया सुचारु हुन सकेको छैन । सुरक्षा निकाय तथा संगठित संस्था अन्र्तगत मात्र ११ हजार सात सय ९३ पदमा भर्ना रोकिएको छ । जसमध्ये सबैभन्दा धेरै नेपाली सेना र नेपाल प्रहरीको छ ।

नेपाली सेनाले अधिकृत क्वाडेटमा एक सय ५०, प्राविधिकतर्फ ५६ तथा सैन्यमा ६ हजार ७६ पदका लागि लिखित परीक्षाका लागि आयोगलाई पत्राचार गरेपनि सम्पन्न हुन सकेन । नेपाल प्रहरीमा चार हजार ६६ पदमा भर्ना प्रक्रिया अघि बढेकोमा रोकिएको छ । नेपाल प्रहरीले इन्सपेक्टर र असईको भर्ना प्रक्रिया अघि बढाएपछि लोक सेवासम्म पुगेको थिएन । त्यस्तै सशस्त्र प्रहरी बलको पाँच सय ३ पदमा भर्ना प्रक्रिया रोकिएको छ ।

दुग्ध विकास संस्थानको एक सय ८०, पाटन स्वास्थ्य विज्ञान प्रतिष्ठानको एक सय ५२, बीमा समितिको १५, राष्ट्रिय अनुसन्धान विभागको २ सय ३२, नेपाल आयल निगमको एक सय ३१, नेपाल टेलिभिजनको एक सय ८७, शहिद गंगालाल गंगालाल राष्ट्रिय हृदय केन्द्रको ४३ र नेपाल नोटरी पब्लिकको दुई पदमा अघि बढेको भर्ना पनि रोकिएको हो । यसबाहेक प्रहरी लगायत निकायले आन्तरिक तयारी गरी लोक सेवा आयोगमा लिखित परीक्षाका लागि पठाउन लागेका परीक्षा पनि रोकिएका छन् ।

 १३४८ पदमा भर्ना स्थगित

एक हजार तीन सय ४८ पदमा सरकारले अर्काे निर्णय नगरेसम्मका लागि भनेर भर्ना स्थगन गरिएको छ । खर्च कटौतीका लागि भन्दै सरकारले नयाँ भर्ना रोक्ने निर्णय गरेको हो । निजामतीतर्फ राजपत्रांकित प्रथम श्रेणी, (प्राविधिक, राजपत्रांकित तृतीय श्रेणी (प्राविधिक), र स्वास्थ्य सेवाका सातौं र आठौं तहको परीक्षा स्थगित गरिएको छ । खुलातर्फको राजपत्रअनंकित प्रथम श्रेणी(प्राविधिक) पनि सरकारको निर्णयमा रोकिएको छ । राजपत्रअनंकित द्वितीय श्रेणी (अप्राविधिक)का लिखित परीक्षा हुन बाँकी सबै विज्ञापनहरु अर्काे निर्णय नभएसम्मका लागि रोकिएको छ ।

संस्थानतर्फ नेपाल वायुसेवा निगम, नेपाल नोटरी पब्लिक परिषद्, नेपाल धितोपत्र बोर्ड, कृषि सामाग्री कम्पनी लिमिटेड, वैकल्पिक उर्जा प्रवद्र्धन केन्द्र, प्रेस काउन्सिल नेपाल, राष्ट्रिय पुर्नबीमा कम्पनी लिमिटेड, काठमाडौं उपत्यका खानेपानी लिमिटेड र नेपाल विद्युत् प्राधिकरण छन् । मन्त्रिपरिषद्ले अर्काे निर्णय गरेपछि मात्र ती पदमा भर्ना प्रक्रिया अघि बढ्ने आयोगकी प्रवक्ता गीता कुमारी होमेगाईले बताइन् ।

परीक्षा सञ्चालनका लागि आयोग पर्ख र हेरको स्थितीमा रहेको प्रवक्ता हुमेगाई बताउँछिन् । ‘हामीले यो वर्षको वार्षिका कार्यतालिका त प्रकाशित गरिसकेका छौ. । तालिका अनुसार नै परीक्षा सञ्चालन गर्ने लक्ष्य हो । तर, कोरोना संक्रमण बढीरहेको छ । स्थगित परीक्षाहरु तत्काल सञ्चालन गर्न सक्ने अवस्था छैन । अर्काेतर्फ लामो दुरीका सार्वजनिक सवारी चलेका छैनन् । कतिपय जिल्लामा लकडाउनकै अवस्था छ । सानो संख्यामा परीक्षा सञ्चालन गर्न त सक्छौं । तर पनि अझै हामी पर्ख र हेरको स्थितिमा छौं ।

-दृष्टीबाट

सम्बन्धित

ताजा अपडेट
जनकपुरमा मुसहर बालबालिकाहरुलाई न्यानो कपडा वितरण
समाजसेवामा जनकपुरका वडा अध्यक्ष साह, सहयोग जुटाएर श्रध्दालुलाई छठ सामग्री बितरण
नेशनल इन्जिनियर्स एशोसिएसन नेपालको प्रथम प्रादेशिक भेला जनकपुरमा सम्पन्न

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]