About Contact
०७ आश्विन २०७८, बिहिबार
Close
बिज्ञापन
दिनभरी व्यवसाय खोल्न पाउनु पर्ने जनकपुरका व्यवसायीको माग

खोज केन्द्र सोमबार, भाद्र २२, २०७७ मा प्रकाशित

featured photo: खोज केन्द्र

लामो समयदेखि बन्दाबन्दीका कारण व्यवसाय चौपट भएको भन्दै दिनभरी व्यवसाय सञ्चालन गर्न पाउनु पर्ने माग जनकपुर उद्योग वाणिज्य संघले अघि सारेको छ ।

वाणिज्य संघले स्थानीय सरकार, प्रदेश सरकार र प्रमुख जिल्ला अधिकारीमार्फत तीनै तहको सरकारलाई ज्ञापनपत्र बुझाएर दिनभरी व्यवसाय सञ्चालन गर्न पाउनु पर्ने माग अघि सारेको हो ।

सरोकारवाला निकायलाई व्यवसाय सञ्चालन गर्न पटक पटक विकल्प खोज्न सुझाए पनि वेवास्ता गरेको वाणिज्य संघको ठहर छ । नियमितको निषेधाज्ञाका कारण उद्योगी व्यवसायीहरु पीडामा रहेकाले निषेधाज्ञाको स्वरुप परिवर्तन गरी दिनभरी व्यवसाय सञ्चालन गर्नु पर्ने माग ज्ञापनपत्रमा गरिएको छ ।

जनकपुरधाम उद्योग वाणिज्य संघका  अध्यक्ष ललित साहका अनुसार बिहान १० बजेदेखि ४ बजेसम्म बजार सञ्चालन गर्ने वातावरण बनाईदिन तीनै तहको सरकारसँग ज्ञापनपत्र मार्फत आग्रह गरिएको छ ।

संघका अध्यक्ष ललित शाहले मुख्यमन्त्री लालबाबु राउत र धनुषाका प्रमुख जिल्ला अधिकारी प्रेम प्रसाद भट्टराई र नगरप्रमुख लालकिसोर शाहलाई ज्ञापनपत्र बुझाएका हुन् ।

विगत ५ महीनादेखिको बन्दाबन्दीका कारण व्यापारीहरुलाई जिविका चलाउन समेत समस्या भएको भन्दै उनीहरुले ६ बुँदे माग ज्ञापनपत्रमा उल्लेख गरेका छन् । बन्दाबन्दीका कारण हाल बन्द अवस्थामा रहेका सबै प्रकारका व्यवसाय सञ्चालन गर्न पाउनु पर्ने माग गरिएको छ ।

औषधि, डेरी, कृषि सामग्री, मल, विउविजन, भेटनरी पसल, खाद्यान्न पसल किराना तथा बैंक, वित्तीय संस्थाहरु नियमित सञ्चालन गर्न पाउनुपर्ने र हरियो तरकारी तथा फलफूल घुम्ती पसल साइकल, ठेला, मोटरसाइकल, टेम्पुमा राखि टोल टोलमा घुमाएर बिहान ५ बजेदेखि १० बजेसम्म र साँझ ५ बजेपछि मात्र बेचविखन गर्ने व्यवस्था मिलाउनुपर्ने माग ज्ञापनपत्रमा उल्लेख गरिएको छ ।

यस्तै कोरोना परीक्षणको दायरा बढाउन दुई ओटा पीसीआर मेशिन थप गरी तुरुन्त सञ्चालनको व्यवस्था मिलाउन समेत आग्रह गरिएको छ ।

प्रादेशिक अस्पताल जनकपुर र जिल्ला अस्पताल महोत्तरीबाहेक निजी क्षेत्रमा सञ्चालित अस्पताल, नर्सिङ होम, मेडिकल कलेजहरु मध्ये कुनै चिकित्सा संस्थालाई भेन्टिलेटर र अक्सिजन सुविधा सहित भाडा वा लिजमा लिएर कोभिड अस्पतालको रुपमा तुरुन्त सञ्चालन गर्ने व्यवस्था मिलाउन ज्ञापनपत्र मार्फत आग्रह गरिएको छ ।

ज्ञापनपत्र बुझ्दै मुख्यमन्त्री लालबाबु राउत र प्रमुख जिल्ला अधिकारी भट्टराईले संघले राखेको मागप्रति गम्भीर भई कार्यान्वयन गर्ने र बजार खोल्ने समय बढाउने प्रतिवद्धता जाहेर गरेको संघले जानकारी दिएको छ ।

सम्बन्धित

ताजा अपडेट
प्रदेश सभा: राजेन्द्र महतोको ज्वाईं महासेठको तलब गैरकानूनी, रकम असुलन मलेपको निर्देशन
धनुषामा १२ वर्षिय बालिकालाई बलात्कार गरेको आरोपमा ६० वर्षिय बृद्ध पक्राउ, बलात्कार गरेको भिडियो भाईरल
माओवादीको लालकिलामा एमालेको लहर !

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]