About Contact
०७ आश्विन २०७८, बिहिबार
Close
बिज्ञापन
कोरोनाबाट रुपन्देहीमा आजै तीन जनाको मृत्यु

खोज केन्द्र शुक्रबार, भाद्र १९, २०७७ मा प्रकाशित

featured photo: खोज केन्द्र

रुपन्देही: रुपन्देहीमा एकै दिन तीन जना कोरोना संक्रमितको मृत्यु ज्यान गएको छ ।

स्वास्थ्य कार्यालय रुपन्देहीका अनुसार शुक्रबार बिहान मात्रै तीन जना संक्रमितको मृत्यु भएको हो । मृत्यु हुनेमा दुई जना सिद्धार्थनगर नगरपालिकाका र एक जना बुटवल उपमहानगरपालिकाका संक्रमित रहेका छन् ।

बुटवलमा रहेको गौतमबुद्ध मुटु अस्पतालमा उपचाररत् सिद्धार्थनगर नगरपालिका–७ कि ६४ वर्षीया महिलाको शुक्रबार बिहान ८ बजे मृत्यु भएको अस्पतालले जनाएको छ ।

स्वास्थ्य समस्या देखिएपछि ती महिला भदौ ४ गते अस्पताल भर्ना भएकी थिइन् । उनमा उच्च रक्तचाप, सुगर, मिर्गौला र निमोनियाको समेत समस्या थियो । भदौ १६ गते जाँच गर्दा उनमा कोरोना पोजिटिभ देखिएको थियो ।

यस्तै सिद्धार्थनगर–८ का ४५ वर्षीय पुरुषको पनि कोरोना संक्रमणकै कारण मृत्यु भएको छ । कोरोना संक्रमणसँगै मिर्गौलाको समेत बिरामी रहेका उनको आज (शुक्रबार) बिहान घरमै मृत्यु भएको हो ।

भरतपुर अस्पतालमा उपचार गरी भैरहवा आएका उनको बिहान मिर्गौलाको डायलासिस गर्न जाने तयारी गर्दैगर्दा मृत्यु भएको पारिवारिक स्रोतले बताएको छ ।

त्यस्तै बुटवलको कोरोना विशेष अस्पतालको भेन्टिलेटरमा उपचाररत् बुटवल उपमहानगरपालिका ८ का ७८ वर्षीय बृद्ध पुरुषको पनि शुक्रबार बिहान ९ बजे मृत्यु भएको छ ।

उच्च रक्तचापको समेत समस्या रहेका उनको कोरोना विशेष अस्पताल बुटवलमा उपचारका क्रममा मृत्यु भएको अस्पतालका कोरोना फोकल पर्सन डाक्टर सुदर्शन थापाले जानकारी दिए । योसँगै रुपन्देहीमा कोरोना संक्रमणबाट मृत्यु हुनेको संख्या १४ पुगेको छ ।

सम्बन्धित

ताजा अपडेट
प्रदेश सभा: राजेन्द्र महतोको ज्वाईं महासेठको तलब गैरकानूनी, रकम असुलन मलेपको निर्देशन
धनुषामा १२ वर्षिय बालिकालाई बलात्कार गरेको आरोपमा ६० वर्षिय बृद्ध पक्राउ, बलात्कार गरेको भिडियो भाईरल
माओवादीको लालकिलामा एमालेको लहर !

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]