About Contact
१० माघ २०७७, शनिबार
Close
बिज्ञापन
कोशी गाउँपालिकाको विपन्नलाई बिहे गराइदिने निर्णय, आठ जोडीको निवेदन

खोज केन्द्र मंगलबार, पौष ०१, २०७६ मा प्रकाशित

featured photo: खोज केन्द्र

विपन्न परिवारका युवायुवतीको “सामूहिक विवाह गराइदिने” भन्दै आवेदन माग गरेको पूर्वी नेपालको सुनसरी जिल्लास्थित कोशी गाउँपालिकामा हालसम्म आठ जोडीले निवेदन दर्ता गराएको अधिकारीहरूले बताएका छन्।

उक्त गाउँपालिकाले यही मङ्सिर ६ गते ११ दिनको समयसीमा दिएर “गरिब तथा विपन्न परिवारका व्यक्ति र अभिभावक”लाई नाम दर्ता गराउन आग्रह गरिएको थियो।

सामाजिक सञ्जालहरूमा उक्त सूचनालाई कतिपयले व्याङ्ग्यात्मक ढङ्गले प्रस्तुत समेतका थिए।

केही दिनसम्म उक्त सूचना सामाजिक सञ्जालहरूमा भाइरल बनेको थियो।

गाउँपालिकाका प्रमुख प्रशासकीय अधिकृत खगेन्द्र गिरीले बीबीसीसँग भने, “हालसम्म आठ जोडीले निवेदन दिएका छन्। हामी उनीहरूका अभिभावकहरूलाई बोलाएर छलफल गरेपछि उनीहरूको विवाह गराइदिने प्रक्रियामा छौँ।”

विवाहका लागि प्रमाण

उनले विवाहका लागि निवेदन दिनेहरूको विवाह गराउनका लागि एउटा छुट्टै कार्यविधि बनाइने जानकारी दिए।

“अभिभावकको मन्जुरीसहित हाडनाता नपरेको स्वघोषणा र कानुनी रूपमा विवाह गर्न उमेर पुगेको प्रमाण तथा नेपालको कानुनले विवाह गर्न अयोग्य नभएको भन्ने स्वघोषणासहित दर्ता गरेर विवाह गराइदिन्छौँ,” उनले भने।

गिरीका अनुसार निवेदन दिनमध्ये कसैले प्रमाण पुर्‍याउन नसके वा विवाहको उमेर नपुगेको पाइएमा उनीहरूको विवाह गराइनेछैन।

कोशी गाउँपालिका

गाउँपालिकाले सामूहिक विवाह गर्न चाहनेहरूका लागि बेहुलाबेहुलीको लत्ता कपडाको व्यवस्था गरिदिने जनाएको छ।

त्यस्तै जन्ती स्वागतका साथै भोजभतेरको व्यवस्था पनि गाउँपालिकाबाट नै हुने गिरीले जानकारी दिए।

सम्बन्धित

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]