About Contact
०८ कार्तिक २०७७, शनिबार
Close
बिज्ञापन
मोरङका चार स्थानीय तहमा निषेधज्ञा

खोज केन्द्र शुक्रबार, भाद्र ०५, २०७७ मा प्रकाशित

featured photo: खोज केन्द्र

विराटनगर: जिल्ला प्रशासन कार्यालय मोरङले विराटनगर महानगरपालिकासहित मोरङका चार स्थानीय तहमा आज राति १२ः०० बजेदेखि लागू हुने गरी निषेधाज्ञा जारी गरेको छ ।

जिल्ला प्रशासन कार्यालय मोरङका अनुसार भदौ १० गते राति १२ः०० बजेसम्मका लागि जारी भएको यो निषेधज्ञा विराटनगर महानगरपालिकाको १९ वटै वडा, बुढीगङ्गा गाउँपालिको १,२,३ र ४, कटहरी गाउँपालिकाको १,२,३,४ र ५ तथा रङ्गेली नगरपालिकाको ४,५,६ र ७ वडामा लागू हुनेछ ।

आज जिल्ला प्रशासन कार्यालय मोरङमा भएको सर्वपक्षीय बैठकले जनभावना अनुसार नै निषेधज्ञा लागू गरेको सहायक प्रमुख जिल्ला अधिकारी धुव्र खड्काले जानकारी दिनुभयो । उहाँले विगत केही दिनदेखि विराटनगर महानगरपालिका र आसपासका स्थानीय तहमा कोरोना सङ्क्रमितको सङ्ख्या बढदै गएको र यसले समुदाय स्तरमा महामारी फैलिन सक्ने सम्भावनालाई ध्यानमा राखेर यो निषेधज्ञा लागू गरेको जानकारी दिनुभयो ।

निषेधज्ञा अवधिभर सरकारी कार्यालयमा सेवाग्राहीलाई सेवा प्राप्त नहुने र कर्मचारीले कार्यालयको आन्तरिक व्यवस्थापनमा मात्र सीमित रहने सहायक प्रमुख जिल्ला अधिकारी खड्काले बताउनुभयो । निषेधज्ञामा अतिआवश्यक काममा खटिने सवारी साधन, कर्मचारी, सञ्चारकर्मीले निर्वाध रुपमा काम गर्न पाउने निर्णय भएको बताइएको छ ।

विराटनगर महानगरपालिकामा साउन १७ गतेदेखि बन्दाबन्दी शुरु भएको आज अन्तिम दिन निषेधज्ञा जारी भएको र केही दिन पहिले नै विराटनगर महानगरपालिकाका प्रमुख भीम पराजुलीले विराटनगर क्षेत्रमा बढ्दो कोरोना सङ्क्रमण नियन्त्रणका लागि निषेधज्ञा लगाउन प्रदेश सरकारसँग माग गर्नु भएको थियो ।

सम्बन्धित

ताजा अपडेट
पूर्वराजा ज्ञानेन्द्रको सरकारलाई प्रश्न- जनताको अभिभावक खोई !
रअ प्रमुखले के के विषय उठाए ? मधेसवादीलाई दिएनन् भेट !
सहिद नगरपालिकामा नेकपा परित्याग गरी धमाधम कांग्रेसमा प्रवेश गर्दै

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]