About Contact
०८ कार्तिक २०७७, शनिबार
Close
बिज्ञापन
सरकार बिरुद्व बिरगंजमा प्रदर्शन, कोरोना संक्रमित बढेपछि होटेलमा आइसोलेशन

खोज केन्द्र आइतबार, साउन २५, २०७७ मा प्रकाशित

featured photo: खोज केन्द्र

वीरगञ्ज । वीरगञ्जमा कोरोना संक्रमण समुदायस्तरमा पैmलिएपछि स्थानीय होटेललाई आइसोलेशन बनाएर उपचार थालिएको छ । अहिले वीरगञ्जका चारओटा होटेललाई आइसोलेशनका रूपमा प्रयोग गरिएको हो ।

जिल्ला विपद् व्यवस्थापन केन्द्रले होटेल र धर्मशालाहरूलाई संक्रमितको उपचारका लागि आइसोलेशनका रूपमा उपोग गर्ने निर्णय गरेको पर्साका सहायक प्रमुख जिल्ला अधिकारी ललितकुमार बस्नेतले जानकारी दिए । वीरगञ्जको होटेल रानी पोखरी, गोपाल मण्डली र राणी सती धर्मशालामा आइसोलेशन तयार पारेर उपचारको व्यवस्था मिलाइएको बस्नेतले बताए ।

पर्सामा संक्रमितको संख्या करीब १ हजार पुगेपछि उपचारमा समस्या भएको छ । ‘गण्डक र वीरगञ्ज हेल्थ केयर अस्थायी कोरोना अस्पतालको आइसोलेशनमात्र पर्याप्त भएन । संक्रमितलाई होम आइसोलेशनमा छोड्दा अनुशासित नहुने र संक्रमण झन् फैलिने सम्भावनाका कारण होटेल, धर्मशाला र विद्यालयलगायत स्थानमा थप २८० बेडको सामुदायिक आइसोलेशन तयार पारिएको छ,’ बस्नेतले भने ।

वीरगञ्जका दुईओटा अस्थायी कोरोना अस्पतालमा १५० बेडको आइसोलेशन छ । यसअघि नै वीरगञ्जको विजय ज्योति, कुमु प्यालेस र पूजन होटल आइसोलेशनका रूपमा प्रयोगमा आइसकेको होटल तथा पर्यटन व्यवसायी संघका अध्यक्ष हरि पन्तले बताए ।

यी होटेलमा स्थानीय केही उद्योग र पालिकाले संक्रमित राखेका छन् । उद्योगका कामदारमा कोरोनाको संक्रमण देखिएमा उद्योग स्वयम्ले आइसोलेशनको व्यवस्था मिलाउनुपर्ने प्रशासनले बताएको छ । बारा–पर्सा औद्योगिक कोरिडोरका करीब आधा दर्जन उद्योगका कामदार कर्मचारीमा कोरोना संक्रमण पुष्टि भइसकेको छ ।

होटेलका आइसोलेशनका संक्रमितलाई तोकिएको मापदण्डअनुसार खाना र आवास उपलब्ध गराउने जिम्मा होटेल व्यवसायीको हुनेछ । स्थानीय प्रशासनको समन्वयमा तयार होटल आइसोलेशन सञ्चालनका लागि सरकारले १ दिनको प्रतिव्यक्ति २ हजार रुपैयाँ उपलब्ध गराउने भएको छ । सामुदायिक अस्पतालमा नारायणी अस्पताल र वीरगञ्ज महानगरको समन्वयमा स्वास्थ्यकर्मी खटाइने भएको छ ।

वीरगञ्जका अन्य होटललाई पनि आवश्यकताअनुसार आइसोलेशन र क्वारेन्टाइनका रूपमा उपयोग गरिने प्रशासनले बताएको छ । वीरगञ्जको नेशनल मेडिकल कलेजमा ३०० बेडको कोरोना आइसोलेशन बनाउने निर्णय पनि केन्द्रले गरेको छ । यसका लागि केन्द्रीय विपद् व्यवस्थापन केन्द्रमा पत्राचार गरिने भएको छ ।

ग्रामीण क्षेत्रका संक्रमितलाई स्थानीय सामुदायिक आइसोलेशनमा राखिने जानकारी बस्नेतले दिए । लक्षण नदेखिएका र सामान्य लक्षणका संक्रमितको यस्ता आइसोलेशनमा र गम्भीर संक्रमितलाई वीरगञ्जमा ल्याएर उपचार गरिने प्रशासनले बताएको छ ।

लक्षणसहितका संक्रमित र मृत्यु हुनेको संख्या बढ्न थालेपछि गत साउन १० गतेदेखि सदरमुकाम वीरगञ्ज र १९ गतेदेखि जिल्लाभरि निषेधाज्ञा जारी गरिएको छ । अत्यावश्यकीयबाहेकमा सबै सेवा, व्यापार, उद्योग सबै बन्द गरिएको छ ।

सम्बन्धित

ताजा अपडेट
प्रशासनको उर्दिका बबाजुद्व राजदेवी मन्दिरमा बलि दिईने
पूर्वराजा ज्ञानेन्द्रको सरकारलाई प्रश्न- जनताको अभिभावक खोई !
रअ प्रमुखले के के विषय उठाए ? मधेसवादीलाई दिएनन् भेट !

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]