About Contact
०७ आश्विन २०७८, बिहिबार
Close
बिज्ञापन
कोरोना संक्रमण: भन्सार एजेन्टको आलोपालो प्रणाली

खोज केन्द्र बिहिबार, साउन २२, २०७७ मा प्रकाशित

featured photo: खोज केन्द्र

वीरगञ्जमा समुदायस्तरमा कोरोना संक्रमण बढेपछि नाकामा काम गर्ने भन्सार एजेन्टहरूले पनि आलोपालो प्रणाली अपनाएका छन् । मुख्य नाकामा मानिसको भीडभाड हुँदा संक्रमणको जोखिम बढी हुने भन्दै भन्सार एजेन्टहरूले आलोपालो गरी काम गर्ने सहमति गरेका हुन् । गाडी चालक, सहचालक र एजेन्टहरूको भीडका कारण संक्रमणको जोखिम बढेको वीरगञ्ज भन्सार एजेन्ट संघका सहसचिव भानु अधिकारीले बताए । भन्सारमा भीडभाड कम हुने गरी काम गर्ने व्यवस्था मिलाइएको सहसचिव अधिकारीले जानकारी दिए ।

‘अत्यावश्यक मालसामान र औद्योगिक कच्चा पदार्थको हकमा यो लागू हुँदैन । त्यसबाहेकका मालसामानको जाँचपासका लागि दिनहुँ भन्सार जानुनपर्ने गरी तालिका मिलाइएको छ,’ उनले आर्थिक अभियानसँग भने । संक्रमण नघटेसम्मका लागि यो व्यवस्था गरिएको उनले बताए ।

वीरगञ्ज नाकामा काम गर्ने एक जना एजेन्टमा कोरोना संक्रमण पुष्टि भएपछि थप सतर्कता अपनाइएको हो । वीरगञ्जका तीनओटा भन्सारमा ४० एजेन्ट काम गर्छन् । ती एजेन्टका कम्तीमा १० जना कर्मचारी भन्सारमा जाँदा ४०० मानिसको भीड लाग्छ । एजेन्टका आधा जनशक्तिमात्र जाने गरी कार्यतालिका मिलाइएको संघले बताएको छ ।

वीरगञ्जको एकीकृत जाँच चौकी (आईसीपी) भन्सारमा भारतबाट मालसामान लिएर आएका गाडी चालक र सहचालक, भन्सार कर्मचारी, एजेन्ट र अन्य सेवाग्राही गरी दैनिक २ हजार मानिसको आवागमन हुने भन्सारका सूचना अधिकृत विमल साहले बताए । अधिकांश मालसामान आईसीपी भन्सारमा गए पनि पुरानो इनर्वा नाकाबाट क्लिंकर, कोइला, आइरनओर, स्ल्यागजस्ता मालसामान आयात हुन्छ ।

इनर्वा र सुक्खा बन्दरगाह भन्सारमा कार्य सञ्चालनका क्रममा दैनिक थप ५०० देखि ७०० मानिसबीच सम्पर्क हुने भन्सार कर्मचारी बताउँछन् । एजेन्टले प्रिन्ट गरेर ल्याएको कागजातमा भन्सार कर्मचारीले हस्ताक्षर गर्दा एजेन्ट र कर्मचारीबीच प्रत्यक्ष सम्पर्क हुन्छ ।

यसबाट कोरोना संक्रमण फैलिन सक्ने भन्दै भन्सार र एजेन्टको समझदारीमा आलोपालो प्रणाली अपनाइएको हो । भन्सार कर्मचारी र सेवाग्राहीको प्रत्यक्ष सम्पर्क घटाउन आधिकारिक पासवर्डबाट जाँचपासको कानूनी व्यवस्था भए पनि भन्सार विभागले कार्यान्वयनमा चासो देखाएको छैन ।

सम्बन्धित

ताजा अपडेट
प्रदेश सभा: राजेन्द्र महतोको ज्वाईं महासेठको तलब गैरकानूनी, रकम असुलन मलेपको निर्देशन
धनुषामा १२ वर्षिय बालिकालाई बलात्कार गरेको आरोपमा ६० वर्षिय बृद्ध पक्राउ, बलात्कार गरेको भिडियो भाईरल
माओवादीको लालकिलामा एमालेको लहर !

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]