About Contact
१४ माघ २०७७, बुधबार
Close
बिज्ञापन
कोरोनाको नाम जनकपुरमा यसरी हुन्छ भ्रष्टाचार, पीसीआर परीक्षण पुनः बन्द

खोज केन्द्र बुधबार, आषाढ २४, २०७७ मा प्रकाशित

featured photo: खोज केन्द्र

जनकपुरधाम । जनकपुरधामस्थित प्रादेशिक अस्पतालमा पीसीआर परीक्षण बन्द गरिएको छ । पीसीआर परीक्षणमा प्रयोग हुने सामग्रीको अभावका कारण प्रादेशिक जनस्वास्थ्य प्रयोगशालाले मंगलवारदेखि पीसीआर परीक्षण बन्द भएको हो । कन्ज्युमेबल्स अर्थात् पीसीआर परीक्षणमा आवश्यक पर्ने सामानको अभाव हुँदा प्रदेश सरकारले करोडौं रुपैयाँ खर्चेर ल्याएको पीसीआर मेशिन थन्किने अवस्थामा छ ।

सरकारले पीसीआर मेशिनका लागि मात्र २ करोड ७० लाख रुपैयाँ खर्च गरे पनि परीक्षण नतीजामुखी देखिएको थिएन ।  लेखा शाखा र स्टोरका कर्मचारीको असहयोगका कारण आफूहरूले पीसीआर परीक्षणका लागि आवश्यक पर्ने सामान खरीद गर्न नसकेको प्रयोगशालाका प्रमुख रामविनय साहले बताए । ‘मैले पटक पटक मन्त्रालय र सचिवलाई लिखित पत्र नै पठाइसकेको छु,’ उनले भने, ‘तर कसैले कुनै चासो नलिएपछि यस्तो समस्या उत्पन्न भएको छ ।’ सामग्री खरीद गर्दा आपूmलाई लेखा शाखा र स्टोरले समस्या खडा गरेको र यस विषयमा सबैलाई लिखित जानकारी गराइसकेको उनको भनाइ छ ।

प्रादेशिक अस्पताल जनकपुरमा यसअघि पनि संघ सरकार मार्फत दुईपटक जडान गरिएको पोर्टेबल पीसीआर मेशिनले गलत रिपोर्ट दिएपछि जाँच बन्द गरेर तेस्रोपटक प्रदेश दुई सरकारले रियल टाइम पीसीआर मेशिन जडान गरेको छ । 

राजविराज र जनकपुरधाममा कोरोना भाइरस परीक्षणका लागि रियल टाइम पीसीआर मेशिनसहित त्यससँग सम्बन्धित विभिन्न १४ थान उपकरण प्रदेश स्वास्थ्य आपूर्ति व्यवस्थापन केन्द्रमार्फत सामाजिक विकास मन्त्रालयले २ करोड ८२ लाख १६ हजार १ सय रुपैयाँमा खरीद गरेको हो । तर खरिद प्रकृया अलि पेचिलो देखिएको छ । उता, रौतहटको गौर जिल्ला अस्पतालमा कोभिड–१९ रियल टाइम प्रयोगशाला स्थापना एवं सञ्चालनका लागि मन्त्रालयले १ करोड ५० लाख रुपैयाँ निकासा गरे पनि अहिलेसम्म जडान हुन सकेको छैन ।

गत जेठ १९ गतेदेखि विधिवत् रूपमा पीसीआर परीक्षण शुरू गरेको जनकपुरधामस्थित प्रादेशिक जनस्वास्थ्य प्रयोगशालाले अहिलेसम्म ४ हजार ५०० भन्दा बढी परीक्षण गरिसकेको छ ।

सम्बन्धित

ताजा अपडेट
अख्तियारको १६ जनाको टोलीले जनकपुर यातायात कार्यालयमा छापा, कार्यालय प्रमुख साह सहित कर्मचारीहरु नियन्त्रणमा
मधेसको लोकगाथा नाच लोप हुँदै
धनुषाको शहीदनगरका मेयरको भाइले कुटे इन्जिनियर, कमिशन बिबाद

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]