About Contact
०३ माघ २०७७, शनिबार
Close
बिज्ञापन
वीरगञ्ज सुक्खा बन्दरगाहको सञ्चालन ठेक्का : आर्थिक प्रस्तावमा प्रिस्टाइन लजेस्टिक अगाडि

खोज केन्द्र आइतबार, जेठ ३२, २०७७ मा प्रकाशित

featured photo: खोज केन्द्र

वीरगञ्ज सुक्खा बन्दरगाह सञ्चालन ठेक्काको आर्थिक प्रस्तावमा भारतीय कम्पनी प्रिस्टाइन लजेष्टिक अग्रस्थानमा परेको छ ।

नेपाल इण्टरमोडल यातायात विकास समिति (एनआईटीडीबी)ले आइतवार खोलेको आर्थिक प्रस्तावमा प्रिस्टाइनको सबैभन्दा बढी रू. ३ अर्ब ३३ करोड प्रस्ताव रहेको हो ।

एनआईटीडीबीले ५ वर्षका लागि न्यूनतम् रू. २ अर्ब तोकेर ठेक्का आह्वान गरेको थियो । प्रतिस्पर्धामा आएका ५ ओटै कम्पनी प्राविधिक मूल्यांकनमा छनौट भएकामा आर्थिक प्रस्तावमा प्रिस्टाइन अगाडि देखिएको समितिका एक अधिकारीले आर्थिक अभियानलाई बताए ।

आर्थिक प्रस्तावको दोस्रो स्थानमा कन्टेनर कर्पोरेशन अफ इन्डिया (कोन्कर) रहेको छ । कोन्करले रू. २ अर्ब ८१ करोड प्रस्ताव गरेको छ । प्राविधक मूल्यांकनमा प्रिस्टाइनभन्दा अगाडि रहेको कोन्कर आर्थिक प्रस्तावमा पछि धकेलिएको हो ।

प्राविधिक प्रस्तावमा प्रिस्टाइन कोन्करपछि दोस्रो स्थानमा परेको छ । एनआईटीडीबीको मूल्यांकन समितिकाअनुसार प्राविधिक क्षमताको ६० र आर्थिक प्रस्तावमा ४० अंकका आधारमा ठेक्काको निर्णय हुन्छ ।

अदानी लजिष्टिक प्रालिले रू. २ अर्ब ८० करोडको सकारेको छ । इन्टरनेशनल कार्गो टर्मिनल एण्ड इन्फ्रास्टक्चरले रू. २ अर्ब ४४ करोड र र अपना/ हाइवे/ जगदम्बा ज्वाइन्ट भेन्चरले सबैभन्दा कम रू. २ अर्ब ४० करोड आर्थिक प्रस्ताव पेश गरेका छन् । आर्थिक प्रस्ताव खोलिए पनि अन्तिम निर्णय भने भइनसकेको एनआईटीडीबीका उच्च अधिकारीले बताए ।

ठेक्काको मूल्यांकन प्रक्रियामै रहेको जानकारी ती अधिकारीले दिए । आर्थिक र प्राविधिक दुवै मूल्यांकनका आधारमा ठेक्का स्वीकृत गर्ने प्रावधान छ ।अहिले सुक्खा बन्दरगाह सञ्चालन गरिरहेको हिमालयन टर्मिनलको ५ वर्षे ठेक्का गत जनवरी ६ मै सकिएको थियो । समयमै ठेक्का प्रक्रिया नथाल्दा त्यसयता पनि हिमालयनले नै बन्दरगाह चलाइरहेको छ । कोन्कर हिमालयन टर्मिनलको मुख्य साझेदार हो ।

यो बन्दरगाहमा कोन्करले नै रेल सेवा दिइरहेको छ ।  गत माघ १० गतेसम्मका लागि अन्तिम म्याद तोकेर ठेक्का आह्वान गरिएकोमा ४ महीनापछि आर्थिक प्रस्ताव खोलिएको हो ।

सम्बन्धित

ताजा अपडेट
मधेसवादीको दोहोरो चरित्र: पहिला संविधान जलाउने, अहिले संविधान जोगाउने
धनुषाको मिथिला नगरपालिकामा पत्रकार संजाल गठन
जसपामा दुई धार, उपेन्द्र यादबलाई सिरहामा कालो झण्डा देखाउने चेतावनी

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]