About Contact
०३ जेठ २०७९, मंगलबार
Close
बिज्ञापन
सम्पादकीय : ओली, हात्ती र झोला

खोज केन्द्र मंगलबार, बैशाख २३, २०७७ मा प्रकाशित

featured photo: खोज केन्द्र

 

‘म ताक्छु मुढो बन्चरो ताक्छ घुँडो’ भनेझैँ भयो नेकपा सचिवालय बैठकको निर्णय । पार्टी अध्यक्ष तथा प्रधानमन्त्री केपी शर्मा ओलीसँग अर्का अध्यक्ष पुष्पकमल दाहाल ‘प्रचण्ड’ र बरिष्ठ नेता माधवकुमार नेपालको असन्तुष्टि नेकपाका उपाध्यक्ष वामदेव गौततलाई प्रधानमन्त्री बनाउने भन्ने कुरामा थिएन ।

न त त्यो सचिवालय बैठकको एजेण्डा नै थियो । तर, एक्कासी प्रधानमन्त्री ओलीले कोरोना संक्रमणको अवस्था सामान्य भएपछि आफूले प्रधानमन्त्री पदबाट राजीनामा दिने र गौतमलाई प्रधानमन्त्री बनाउने कुरा अगाडि सारे ।

सचिवालय बैठकमा प्रधानमन्त्री स्वयंम्ले यसो भनेपछि गौतम प्रधानमन्त्री नभएसम्म ओली अन्तरिम प्रधामन्त्रीका रुपमा रहने कुरा जो–कोहीले पनि बुझ्न सक्छन् । अन्तरिम प्रधामन्त्रीले दैनिक राजकाज चलाउने बाहेकका महत्वपूर्ण निर्णय गर्न मिल्दैन ।

प्रधानमन्त्री ओलीले सचिवालयको औपचारिक बैठकमै गौतमलाई प्रधानमन्त्री बनाउने निर्णय गरेपछि गौतम भावी प्रधानमन्त्रीका लागि आफू निकट कानुनी सल्लाहकार भेला गरेर परामर्शमा जुटे । कानुनी सल्लाहकारहरुले ‘संविधान संशोधन नभएसम्म राष्ट्रिय सभाबाट मनोनीत व्यक्ति प्रधानमन्त्री हुन पाउँदैन’ भनेपछि गौतमले अब प्रतिनिधि सभाको निर्वाचन जितेर प्रधानमन्त्री हुने सपना देखिरहेका छन् । उनका लागि महासचिव विष्णु पौडेलले पाल्पा क्षेत्र नं १ छुट्याइदिएका छन् ।

यस अगाडिको सचिवालय बैठकले गौतमलाई राष्ट्रपतिबाट मनोनयन हुने राष्ट्रिय सभाको एक सदस्य पदमा पठाउने निर्णय गरेको थियो । तर, प्रधानमन्त्री ओलीले त्यो निर्णय आफूलाई मान्य नहुने र अर्थमन्त्री युवराज खतिवडालाई नै पुनः राष्ट्रिय सभामा पठाउने अढान लिएका थिए । गौतमको पछिल्लो निर्णयले खतिवडालाई पुनः राष्ट्रिय सभामा जाने ढोका खुलेको छ ।

सचिवालयमा अल्पमतमा परेका प्रधानमन्त्री ओलीले गौतमको कमजोरीबाट फाइदा उठाएपछि आफूलाई अलि सहज महशसुश गरेका छन् ।

अब स्थायी समितिको बैठकमा समेत यसैगरी सबैलाई थाङ्नामा सुताउने योजना प्रधानमन्त्री ओलीले बुनिरहेका छन् । स्थायी समितिमा जतिसुकै चर्को स्वरमा प्रधानमन्त्रीको कार्यशैलीको विरोध भएपनि त्यो बैठकले बाह्र वर्ष ढुँग्रामा राखेपनि पुच्छर सोझ्याउन सक्ने छैन ।

स्थायी समितिको बैठकमा प्रधामन्त्री ओलीले भन्न सक्छन्, ‘प्रधानमन्त्री छाड्छु भनिसकेँ, अध्यक्ष चाहिएको हो भने तीन जना अध्यक्षको व्यवस्था गरौँ भनिसकेँ । अब म सँग एउटा झोला मात्र बाँकी छ, त्यो झोला पनि दे भन्नुहुन्छ भने त्यो झोला पनि दिउँला । झोलाले मात्रै पुगेन, हात्ती पनि चाहियो भन्नुहोला । हात्ती पनि खाजेर ल्याइदिउँला ।

अब त्यो झोलामा यो हात्ती हालिदिनुस् भन्ने माग गर्नुभयो भने त्यो त कसरी सम्भव होला र ? यो कथाबाट के बुझ्न सकिन्छ भने स्थायी समितिको बैठक पनि ‘हात्ती आयो फुस्सा’ हुने देखिन्छ ।

सम्बन्धित

ताजा अपडेट
धनुषाको धनौजी र नगराइनमा मतगणना स्थगित, धनौजी तनावग्रस्त, सेना परिचालन
क्षिरेश्वरनाथमा एमालेका उम्मेदबार सुखदेवको अग्रता
मुस्लिम आयोगका अध्यक्ष समिमको भूमिका शंकास्पद, तत्काल कारवाही गरः एमाले सचिव महासेठ

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]