About Contact
३० चैत्र २०७७, सोमबार
Close
बिज्ञापन
त्रिवि शिक्षण अस्पतालका डाक्टरमाथि प्रहरीद्वारा कुटपिट

खोज केन्द्र बुधबार, बैशाख ०३, २०७७ मा प्रकाशित

featured photo: खोज केन्द्र

त्रिवि शिक्षण अस्पतालका डाक्टरमाथि प्रहरीले कुटपिट गरेको छ। अस्पतालबाट ड्युटी सकेर कोठातर्फ जाने क्रममा तीनजनामाथि प्रहरीले कुटपिट गरेका हुन्।

अस्पताल परिसरबाट कान्ति अस्पताल हुँदै कोठामा जाने क्रममा प्रहरीले कुटपिट गरेको डाक्टरहरुले बताएका छन्।  कोठा नजिकै पुग्न लागेको बेलामा भ्यानमा आएका प्रहरीले सोधपुछ गरेको र डाक्टर भनेर परिचय दिँदा प्रहरीले लाठीले डाक्टर साक्टर चिन्दैन भन्दै लाठी चार्ज गरेको डाक्टरहरु बताउँछन्।

प्रहरीले डाक्टर शम्भु खनाल तेजप्रकाश साह र विकास शाहमाथि आक्रमण गरेको हो।

प्रहरीले लाठीले प्रहार गर्दा तेजप्रकाश साहको ढाड र हातमा चोट लागेको छ। चोटपछि उनको अस्पतालमा एक्सरे गरिएको छ। एक्सरे क्रममा भाँचिएको अवस्था भने देखिएन तर सुन्निएको र रातो दाग रहेको डाक्टर खनालले जानकारी दिए।

तर महारागञ्जका डिएसपी उमेश लम्साल भने डाक्टरलाई नकुटिएको दाबी गर्छन्। यसबारे जिज्ञासा राख्दा डिएसपी लम्सालले भने, ‘होइन कहाँ हामी डाक्टरलाई कुट्छौं। किन कुट्नु? त्यसो हुँदै होइन।’

तर उनले उनीहरुलाई लखटेको भने स्विकार गरे। ‘उहाँहरुलाई लखेटेको चाहिँ हो। तर उहाँ अब डाक्टर पर्नु भएछ। अब त्यो हेर्ने बित्तिकै डाक्टर भनेर कसरी थाहा हुन्छ हामीलाई?’

लाठीको सुम्ला छ नि त? भन्ने प्रश्नमा डिएसपी लम्सालले भने ‘घरभित्र छिर्ने बेलामा ढोका सानो छ। हतारमा छिर्दा ढोकामा ढोक्किएको होला।’

घटनाका विषयमा डा खनालले यसरी सुनाए

हामी खाना खान क्यान्टिनमा आउनुपर्छ।  घटना सवा ८ बजेको हो। होस्टल छैन। बाहिर रुमा बस्नुपर्छ। त्यो बाध्यता छ। हामी कोठा नजिक पुग्नै लागेका थियौं।

त्यति नै बेला प्रहरीको भ्यान उनीहरुको नजिकै आएर तपाईहरू के हो को हो भन्दैे सोध्न थाल्यो। हामीले आइडी कार्ड देखायौं। त्यति गर्दा पनि धेरै केरकार गर्न थाले। हामी टिचिङको डाक्टर भएको ड्युटी सकेर खाना खाएर आएको बतायौं। तर उनीहरुले गेटमा छिर्ने बेलामा लाठी चार्ज गरे।

दाहिने हातमा चोट लागेको छ। एक्सरे गरियो। फ्याक्चर चाहिँ भएको रहेनछ। ढाडमा पनि लागेको छ। उनीहरुले भन्दा समूहमा किन बसेका भनेका छन्। अब २-३ जनालाई पनि ग्रुप भन्ने कि नभन्ने?

यस्तो बेलामा कसरी लाठी चार्ज गर्न मिल्यो। पिट्न त पाइएन नि। हामी कोरोनासँग लड्दै बस्ने हो की अब प्रहरीसँग लडेर बस्ने?

खाना खान ८ बजे क्यान्टिनमा आउनुपर्छ। कोठा कान्ति अस्पताल पछाडिको पानी ट्यांकी नजिक छ। टिचिङको गेटको पश्चिमतिरको भाग। त्योभन्दा तल अर्कोको कोठा। भोलि भेट्ने भनेर छुटिँदै गर्दा लाठीले हाने। प्रहरीले तीनै जनालाई हान्न खाजेको थियो। दुई जना भाग्यौ‌ं। डिएसपी पनि थिए भन्ने छ।

डिएसपी लम्साल भन्छन् : हतारमा ढोकाभित्र छिर्दा ठोकिए होला

होइन कहाँ हामी डाक्टरलाई कुट्छौं। किन कुट्नु? त्यसो हुँदै होइन। अब सिभिलमा भएको बेला को डाक्टर को इन्जिनियर को पुलिस भनेर चिन्ने कुरा पनि भएन।

अब लकडाउनलाई ब्रेक गर्ने बाटोमा बस्ने गफ गर्नेलाई त अब हटाएकै छ। अब त्यो गर्ने क्रममा उहाँहरु पनि पर्नु भएके हो भने छुट्टै कुरा। त्यसरी कुट्ने भनेर कसैलाई कुटेको छैन।

उहाँहरुलाई लखेटेको चाहिँ हो । तर उहाँ अब डाक्टर पर्नु भएछ । अब त्यो हेर्ने बित्तिकै डाक्टर भनेर कसरी थाहा हुन्छ हामीलाई ?

घरभित्र छिर्ने बेलामा ढोका सानो छ। हतारमा छिर्दा ढोकामा ढोक्किएको होला। उनीहरुले त अझ हामी त गाउनमै थियौं पनि भन्लान् त्यो छुट्टै विषयवस्तु हो। प्रहरीले थाहापाई थाहापाई कुटेको छैन।

सम्बन्धित

ताजा अपडेट
प्रदेस २: एमालेमा गएका चार सांसद पदमुक्त
मिथिला लघुवित्तको सञ्चालकमा मन्दिरा आचार्य निर्वाचित
बन्ने भो सहिद नितु यादव स्मृति भवन, भौतिक मन्त्री सोनलद्वारा शिलान्यास

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]