About Contact
०१ जेठ २०७८, शनिबार
Close
बिज्ञापन
सिरहामा प्रहरीको ज्यादती बढ्यो: प्रहरी र स्थानीयबीच झडपपछि धरपकड हुने डरले गाउँ छाडे स्थानीयले

खोज केन्द्र मंगलबार, बैशाख ०२, २०७७ मा प्रकाशित

featured photo: खोज केन्द्र

 

लकडाउनको निगरानी गर्न पुगेका प्रहरी बिनाकारण गाउँलेलाई कुटेपछी सिरहा प्रहरीको ज्यादती बाहिर आएको हो ।

प्रहरीको ज्यादतीलाई प्रतिकार गर्दै स्थानियले ढुंगामुढा गरेपछी प्रहरीले १४ जनालाई गिरफ्तार गरेपछि सिराहाको दक्षिणी सीमावर्ती गाउँ पर्टेवाको गोइतटोलका अधिकांशले गाउँ छाडेका छन् ।

सिराहा नगरपालिका– १७ मा रहेको गाउँमा प्रहरीले थप धरपकड गर्ने डरले गाउँलेहरू घरमा ताला लगाएर अन्यत्र आफन्तकहाँ गएका छन् ।

जुडशितल पर्वमा घरमा पूजापाठ गर्ने परम्परा रहँदै आए पनि प्रहरीले थप धरपकड गर्ने त्रासका कारण उनीहरूले घर छाडेको स्थानीय सवितादेवी यादवले बताइन् ।

आफ्नो घरमा पनि प्रहरी सोधपुछ गर्न आएको भन्दै उनले टोलमा प्रहरीको त्रास भएको बताइन् ।

यस्तो छ प्रहरीको ज्यादती घटना

हिजो सोमबार साँझ उच्च रक्तचापका बिरामी पूर्वशिक्षक गंगानारायण यादवलाई गाउँकै मेडिकल विद्यार्थी रामकुमार यादवले औषधि सेवनबारे सम्झाउँदै थिए ।

त्यहीवेला प्रहरी टोली लकडाउनको निगरानी गर्दै उक्त स्थानमा पुगेको थियो । प्रहरीले रामकुमारलाई लाठी प्रहार गरेपछि प्रहरी र स्थानीयबीच झडप भएको थियो ।

स्थानीयको ढुंगामुढाबाट प्रहरीको दुईवटा पिकअपमा क्षति पुगेको जिल्ला प्रहरी कार्यालय सिराहाका प्रमुख एसपी उमाप्रसाद चतुर्वेदीले बताए ।

ढुंगामुढा लागेर प्रहरी प्रवक्ता डिएसपी विनोद घिमिरे, प्रहरी जवान दिनेशकुमार श्रेष्ठलगायत घाइतेसमेत भए । स्थिति नियन्त्रणमा लिन प्रहरीले सात राउन्ड हवाई फायर गर्नुका साथै १४ जनालाई पक्राउसमेत गरेको छ ।

उनीहरूमाथि थप अनुसन्धान भइरहेको प्रहरीले जनाएको छ ।

यता चिकित्सक कृष्णा यादवले प्रहरीको बढ्दो ज्यादतीले स्थानिय निकै पिडित बनेको सुनाए । प्रहरीले जथाभावी धडपकड गर्ने र स्थानियलाई बदनियत पूर्णतरिकाले कुटपिट गरेको प्रति निकै चिन्ता ब्यक्त गरे ।

सम्बन्धित

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]