About Contact
१० आश्विन २०७७, शनिबार
Close
बिज्ञापन
भारतका सीमावर्ती शहरमा संक्रमित बढे, सीमानाकाको चोर बाटोमा सशस्त्र परिचालन

लुकीचोरी आवतजावत गर्ने सबै नाकामा कडा सुरक्षा

खोज केन्द्र सोमबार, चैत्र २४, २०७६ मा प्रकाशित

featured photo: खोज केन्द्र

 

नजिकका भारतीय सीमावर्ती शहरमा कोरोना संक्रमित फेला परेपछि रुपन्देही तथा कपिलवस्तुका सीमा क्षेत्रमा लुकीचोरी आवतजावत हुने ससाना बाटोमा सशस्त्र प्रहरी परिचालन गरिएकोछ ।

कोरोना संक्रमणको रोकथामका लागि खुल्ला सीमाका कारण सर्वसाधारण लुकीचोरी आवतजावत गर्ने गरेकाले जोखिम बढेको हुँदा सीमानाकामा उच्च सतर्कता अपनाइएको हो ।

भारतमा कोरोना संक्रमित र त्यसबाट मृत्यु हुनेको संख्या दिनप्रति दिन बढ्दै गएको छ । आइतबार दिउसोसम्म भारतमा ३ हजार ५ सय ८८ जना संक्रमित हुनुका साथै ९९ जनाको मृत्यु भइसकेको छ ।

भारतसंग सीमा जोडिएको कपिलवस्तुको ९३ किमीमा ठाँउठाँउमा लुकीचोरी आवतजावत गर्ने ससाना नाका छन् । सशस्त्र प्रहरीको सय जनाको थप शक्ति आईतवार यहाँ आइपुगेको छ ।

उनीहरुलाई सीमा रहेको ६ वीओपी र एक भन्सार राजस्व गुल्ममा परिचालन गरिसकिएको छ । उक्त युनिटले थप जनशक्तिलाई त्यस्ता लुकीचोरी गर्ने सीमानाकामा परिचालन गर्ने सशस्त्रको २८ नम्बर गणका उपरीक्षक जनकराज पुरीले जानकारी दिनुभयो ।

‘चोर नाका पूरै ठप्प पारेका छौं,’ उहाँले भन्नुभयो, ‘कसैलाई आवतजावत गर्न दिएका छैनौं, नाका शिल गरेका छौं, समकक्षी भारतीय एसएसबीले पनि सहयोग गरेको छ ।’

आवतजावत नियन्त्रणका लागि सशस्त्रको नौवस्ता, शम्सेरगञ्ज र बर्दघाट तालिम केन्द्र तथा पहाडी जिल्लाबाट थप जनशक्ति झिकाईएको छ । थप सशस्त्र परिचालन पछि खुला सीमा सुरक्षित भएको प्रमुख जिल्ला अधिकारी दीर्घनारायण पौडेलले बताउनुभयो ।

सीमा नाका र जिल्ला अन्तर अनाधिकृत प्रवेश रोकिएर संक्रमणको संत्रास कम भएको पनि उहाँले बताउनुभयो ।

रुपन्देहीको सीमावर्ती भारतीय शहरमा कोरोना संक्रमित फेला परेपछि सुरक्षा सतर्कता बढाईएको हो ।

शनिबार रुपन्देहीको मुख्य सीमानाका बेलहियादेखि २५ किलोमिटर र मर्चवार क्षेत्रदेखि ५ किलोमिटरको दूरीमा रहेको कोल्हुई र पुरन्दपुर क्षेत्रको चार गाउँमा ६ संक्रमित फेला परेका थिए ।

सीमापारी भारतीय बजारमा संक्रमित फेला परेपछि सीमामा उच्च सतर्कता अपनाइएको रुपन्देहीका प्रमुख जिल्ला अधिकारीले महादेव पन्थले बताउनुभयो ।

उहाँले यसअघि बढी आवतजावत हुने पाँचवटा मुख्य नाका शिल गरिएको र अब आवातजावत हुन सक्ने ससाना नाका(बाटो) पनि शिल गरिएको बताउनु भयो । सशस्त्र र जनपद दुवैले सीमावर्ती क्षेत्रमा गाडी मोबाइल गस्ती, पैदल गस्ती, मोटरसाइकल गस्तीलगायतका माध्यमबाट सीमाको निगरानी गरिरहेका छन् ।

सम्बन्धित

ताजा अपडेट
नेशनल ईन्जिनियर्स एसोसिएसन धनुषा अध्यक्षमा यादव
अख्तियारद्वारा १७ हजार कर्मचारीलाई कारवाही गर्न निर्देशन
प्रदेश २: सार्वजनिक यातायातमा छैन सुरक्षा सतर्कता

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]