About Contact
०३ जेठ २०७९, मंगलबार
Close
बिज्ञापन
नेपाल–अंग्रेज युद्ध याद दिलाउने रौतहटको समनपुर मेला

खोज केन्द्र बुधबार, फाल्गुण २८, २०७६ मा प्रकाशित

featured photo: खोज केन्द्र

नेपाल–अंग्रेज युद्धसित सम्बन्धित रहेको रौतहटको गढीमाई नपा १ समनपुरमा लाग्दै आएको मेला कोरोनाभाइरसका कारण प्रभावित भएको छ।

सन् १८१४–१६ मा नेपाल–अंग्रेजबीच भएको युद्धमा स्थानीय समनपुरबासीले अंग्रेजलाई धपाएको र धेरै हातहतियार खोसेको हेर्न विभिन्न गाउँ र जिल्लाबाट सर्वसाधारण त्यहाँ पुगेकाले करीब दुई महीनासम्म मेला लागेको थियो ।

ऐतिहासिक मेलाले निरन्तरता पाउँदै गयो । कालान्तरमा दुई हप्तामा सीमित हुँदै र पछि फागुपूर्णिमाको दिन एकदिनमा मेला सीमित हुँदै आएको थियो । तर, यसपालि कोरोनाभाइरस संक्रमणको डरले समनपुर मेला प्रभावित भएको हो ।

जिल्ला प्रशासन कार्यालय रौतहटले कुनै औपचारिक कार्यक्रम नगर्न निर्देशन दिएको र नगरपालिकाले पनि नेपाल–अंग्रेज लडाइँको २०५औँ विजयोत्सवको अवसरमा कुनै किसिमको औपचारिक कार्यक्रम नराख्ने निर्णय गरेकाले मेला प्रभावित भएको मेयर श्यामप्रसाद यादवले बताएका छन् ।

 नेपाल–अंग्रेज युद्धसँग सम्बन्धित स्तम्भ ।

गत वर्ष नेपाली सेनाको सहयोगमा नगरपालिकाले भव्य कार्यक्रम आयोजन गरी मेलालाई औपचारिक बनाएको थियो । यस वर्ष फागु मेलामा कुनै सरकारी निकायको औपचारिक संलग्नता नरहे पनि किनबेच गर्नेको चाहिं घुइँचो लागेको छ ।

सर्लाही र रौतहटका विभिन्न गाउँबाट हजारौं पसले तथा विभिन्न खेलतमासा मेलामा पुगेका छन् । होलीका सरसामान किन्नेहरू र मेलाका दर्शकहरूको खासै कमी नभएको एकजना फर्निचर व्यवसायी रामअयोध्या ठाकुरले जानकारी गराएका छन् ।

मेलामा होलीका लागि अत्यावश्यक सरसामान किन्नुपर्ने भएकाले मेलामा आउनेहरूको संख्यामा खासै कमी नआएको हुनसक्ने मेयर यादवको भनाइ छ ।

सम्बन्धित

ताजा अपडेट
धनुषाको धनौजी र नगराइनमा मतगणना स्थगित, धनौजी तनावग्रस्त, सेना परिचालन
क्षिरेश्वरनाथमा एमालेका उम्मेदबार सुखदेवको अग्रता
मुस्लिम आयोगका अध्यक्ष समिमको भूमिका शंकास्पद, तत्काल कारवाही गरः एमाले सचिव महासेठ

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]