About Contact
१३ फाल्गुण २०७७, बिहिबार
Close
बिज्ञापन
शितलहरमा जनकपुरधाम, दाउराको जोडजाम (हेर्नुस् तस्बिरमा)

सुजीतकुमार झा शनिबार, पौष ०५, २०७६ मा प्रकाशित

featured photo: खोज केन्द्र

जनकपुरधाम । शित लहरले जनकपुरधामको जनजीवन प्रभावित भएको छ । बजारमा चहलपहल घटेको छ भने स्थानीयवासी आगो तापेर दिन बिताइरहेका छन् । गत पाँच दिनदेखि जनकपुरधाम क्षेत्रमा पुरै शितलहर छाएको छ ।

सडकमा दिउँसै बत्ती बालेर सवारी साधन चलेका छन् । जाडोबाट कम आय भएका मानिसहरु चिसोबाट बचाउन स्थानीय राजनीतिक दलहरुले दैवीप्रकोप समिति र स्थानीय प्रशासनसँग माग गरेका छन् । राष्ट्रिय जनता पार्टीका महासचिव राजिव झाले जनकपुरधामको चोक–चोक र ग्रामीण क्षेत्रमा पनि निःशुल्क दाउरा उपलब्ध गराइ आगो ताप्ने व्यवस्था गर्न माग गरेका छन् ।

यता स्थानीयस्तरमा जनकपुरधाममा दाउरा वितरण सुरु गरिएको छ । स्थानीयवासीले अगेनाका लागि चोक चोकमा दाउरा राख्न थालेका छन् । यसैगरी नेपाली काँग्रेस धनुषाका उपाध्यक्ष सन्तोष यादवले सर्वसाधारणका लागि न्यानो लुगा र कम्बल वितरण गर्नसमेत माग गरेका छन् । तर प्रशासनले अहिलेसम्म जाडोबाट प्रभावित सर्वसाधारणलाई बचाउने कुनै प्रयास गरेको देखिँदैन ।

विगतका वर्षमा जिल्ला वन कार्यालयसँग समन्वय गरेर ठाउँ ठाउँमा आगो बाल्ने गरिएको थियो । जाडोबाट सबैभन्दा बढी विद्यालय जाने उमेरका बालबालिका प्रभावित भएका छन । विद्यालयमा विद्यार्थीको उपस्थिति घटेको शिक्षकहरु बताउँछन् ।

जाडोले पशुपन्छीलाई समेत प्रभावित पारेको छ । जाडोका कारण तिनीको चरणमा समस्या भएको छ । तराई मधेसमा पुसको पहिलो साताबाट शीतलहर सुरु भएर माघको अन्तिम सातासम्म रहन्छ ।

चिसो बढेपछि रुघाखोकी, ज्वरोलगायत समस्याले पीडित हुनेको संख्या पनि बढेको चिकित्सकहरु बताउँछन् । बालबालिका र वृद्धवृद्धामा चिसोका कारण स्वास्थ्य समस्या बढी देखिएकाजनकपुरधामका वरिष्ठ बाल रोग विशेषज्ञ डा. बलराम मिश्रले बताए । जाडो बढ्दै गएपछि हाडजोनी, रुघाखोकी, दम, कोल्ड डाईरियाका बिरामीहरुको संख्या बढेको उनले बताए ।

सम्बन्धित

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]