About Contact
३० चैत्र २०७७, सोमबार
Close
बिज्ञापन
प्रदेस २: प्रहरीलाई घुसमा मासु

खोज केन्द्र शुक्रबार, फाल्गुण २३, २०७६ मा प्रकाशित

featured photo: खोज केन्द्र

वीरगञ्ज । भारतीय सीमा बजार रक्सौलबाट दैनिक झण्डै एक दर्जन मोटरसाइकलमा प्लाष्टिकका बोरामा कुखुराको मासु नेपाल भित्रने गर्दछ ।

भारततर्फबाट काटिएको कुखुराको मासु खुलेआम भित्रिरहेको कुरा इनरुवास्थित प्रहरीलाई थाहा नभएको पनि होइन । तर, प्रहरीले कहिले पनि पक्राउ गर्दैन ।

बरु उल्टो छोडेवापत मासु उपहार पाउँदै आएको छ । हरेक मोटरसाइकलमा ३० देखि ४० केजी तयारी मासु प्लाष्ट्रिकका बोरामा प्याक गरी नेपाल भित्रने गर्दछ । त्यतिमात्र होइन, भारतबाट दैनिक २ सयदेखि ३ सय वटा खसी–बोका इनरुवा नाकाबाट नेपाल भित्रने गर्दछ ।

भारतको रक्सौलमा खसीको मासु प्रतिकेजी ६ सय ५० रूपैयाँ नेपाली पर्दछ तर वीरगञ्जमा प्रतिकेजी ९ सय रूपैयाँमा बिक्री हुने गर्दछ । यो ठूलो रकमको फरकका कारण पनि भारतीय खसी–बोका नेपाल भित्रने गर्दछ । यसरी खसी–बोका नेपाल भित्र्याउन सहयोग गरेवापत र पक्राउ नगरेका कारण ड्युटीमा खटिएका जवान र हवल्दारलाई ५० रूपैयाँका दरले घुस दिने काम व्यवसायीले गर्दै आएका छन् ।

प्रहरीलाई घुस मिलाउने र भारतबाट खसी–बोका एवम् तयारी कुखुराको मासु नेपाल भित्र्याउन सहयोगीको भूमिका गयासुद्दीन देवानले गर्दै आएका छन् । उनी आफूलाई कुखुरा व्यवसायी संघको सचिव भन्ने गर्दछन् भने दिनभरि इनरुवा बोर्डरमा झोला लिएर बसेका हुन्छन् । उनले नै प्रहरीसँगको सेटिङ मिलाउने र कुखुरा एवम् खसी–बोकाका व्यवसायीहरूबाट रकम असुली मिलाउने काम गर्दैआएका छन् ।

जिप्रकाका एक अधिकृतका अनुसार यसरी मिलाइदिएवापत जिल्ला प्रहरी कार्यालयलाई १० केजीका दरले हप्तामा २ दिन खसीको मासु र एक दिन कुखुराको मासु, वडा प्रहरी कार्यालय विर्तालाई हप्तामा २ दिने ५ किलो खसीको मासु र एक दिन कुखुराको मासु, त्यसैगरी इनरुवा गाउँस्थित प्रहरी चौकीका असई देवराज खतिवडालाई हप्ताको २ दिन ३ केजी खसीको मासु र एक दिन कुखुराको मासु एवम् मन्दिर पोष्टका असईलाई हप्ताको २ दिन २ केजी खसीको मासु र एक दिन कुखुराको मासु दिने गरी मिलाउने कामसमेत गयासुद्दीनले गर्दै आएका छन् ।

यही मासु उपहारका कारण प्रहरीले सीमा क्षेत्रबाट तयारी कुखुराको मासुदेखि खसी–बोका ल्याउन छुट दिँदै आएको छ । जबकि कुखुराका चल्ला र तयारी मासु भारतबाट नेपाल ल्याउन कानुनीरूपमा बर्जित रहेको छ ।

सम्बन्धित

ताजा अपडेट
प्रदेस २: एमालेमा गएका चार सांसद पदमुक्त
मिथिला लघुवित्तको सञ्चालकमा मन्दिरा आचार्य निर्वाचित
बन्ने भो सहिद नितु यादव स्मृति भवन, भौतिक मन्त्री सोनलद्वारा शिलान्यास

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]