About Contact
१० मंसिर २०७७, बुधबार
Close
बिज्ञापन
भन्सार कर्मचारी र प्रहरीको सेटिंग्मा धान भित्र चिनी तस्करी

खोज केन्द्र मंगलबार, फाल्गुण २०, २०७६ मा प्रकाशित

featured photo: खोज केन्द्र

भारतीय सीमावर्ती क्षेत्रबाट खाद्यान्न खरीद गर्ने व्यक्तिले धानमा चिनी लुकाएर नेपाल भित्र्याउने गरेको पाइएको छ ।

रतुवामाई नगरपालिका–१ सोनापुरस्थित दशगजामै जोडेर खाद्यान्न खरीद–बिक्रीको काँटा संचालन गर्दै आएका नसिम मियाले बिक्रीका लागि पठाएको धान बोकेको ट्याक्टर दुर्घटना भएपछि चिनी फेला परेको छ । मिया वडा सदस्य हुन् । मियाले कारवाही हुने डरले धान र चिनी दाबी गर्न आफू उपस्थित नभई प्रतिनिधिलाई प्रहरीको सम्पर्कमा पठाएका छन् ।

प्रहरीले धान, चिनी र ट्याक्टरको रु ७ लाख २३ हजार मूल्याङ्कन गरी मंगलबार विराटनगर भन्सार कार्यालयमा बुझाएको छ ।

इलाका प्रहरी कार्यालय सिजुवाका निरीक्षक मोहन रायामाझीका अनुसार, आइतबार अपरान्ह सीमावर्ती क्षेत्रबाट धान लिएर उर्लाबारीतर्फ जाँदै गरेको को १ त ८७१६ नम्बरको ट्याक्टरले बा २९ प ६८४५ नम्बरको मोटरसाइकललाई ठक्कर दिएको थियो ।

सो क्रममा अनियन्त्रित भई सोही ट्याक्टर को २ त ६८४५ नम्बरको ढुङ्गा बोकेको ट्याक्टरसँग ठोक्किएको थियो । मोटरसाइकलमा सवार दुई घाइतेको न्यूरो अस्पताल विराटनगरमा उपचार भइरहेको छ ।

दुर्घटनापछि धान बोकेको ट्याक्टरका चालक फरार भएकाले सोमबार प्रहरीले धान हटाउने क्रममा ५० किलोका ५० बोरा चिनी फेला पारेको हो । १ सय ७ बोरा धानको बीच भागमा ५० बोरा चिनी फेला परेको छ ।

धान र चिनी दुवैको बिल नभएकाले भन्सार कार्यालयमा बुझाइएको निरीक्षक रायामाझीले बताए । मोरङका भारतसँग जोडिएका नाकाहरूमा कारोबारीले खाद्यान्न खरीद बिक्री गर्ने काँटा संचालन गर्दै आएका छन् । स्थानीय किसानबाट धान खरीद गरेको भनेर व्यापारीले भारतबाट भन्सार छलेर ल्याएको धान खरीद गर्ने गरेका छन् ।

खाद्यान्न लोड गरेका साधनमा भन्सार छलीका अरु वस्तु पनि मिसाएर नेपालका विभिन्न बजारमा लाने गरेका छन् । सीमावर्ती क्षेत्रमा हुने खाद्यान्न कारोबारमा जनप्रतिनिधिहरूनै संलग्न रहँदै आएका छन् । धानपालथान गाउँपालिका–२ खयरवना सीमामा पनि जनप्रतिनिधिले धान, मकै र गहुँ खरीद–बिक्रीको कारोबार गर्ने गरेको स्थानीय बताउँछन् ।

सम्बन्धित

ताजा अपडेट
जनकपुरमा मुसहर बालबालिकाहरुलाई न्यानो कपडा वितरण
समाजसेवामा जनकपुरका वडा अध्यक्ष साह, सहयोग जुटाएर श्रध्दालुलाई छठ सामग्री बितरण
नेशनल इन्जिनियर्स एशोसिएसन नेपालको प्रथम प्रादेशिक भेला जनकपुरमा सम्पन्न

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]