About Contact
०९ माघ २०७७, शुक्रबार
Close
बिज्ञापन
प्रहरी सम्मान प्रकरणः जस्तो रोप्यो, त्यस्तै फल !

खोज केन्द्र मंगलबार, फाल्गुण २०, २०७६ मा प्रकाशित

featured photo: खोज केन्द्र

सरकारले माघ २८ मा नेपाल प्रहरीका २७औँ आइजिपीमा डिआइजी ठाकुर ज्ञवालीलाई नियुक्त गर्ने निर्णय गर्‍यो । खासै चर्चामा नरहेका डिआइजी ज्ञवाली सर्वेन्द्र खनालकै ब्याचमा वैकल्पिक समूहबाट प्रहरी सेवामा प्रवेश गरेका व्यक्ति हुन् ।

उनी आइजिपीमा नियुक्त हुने पक्कापक्की भएपछि प्रहरी प्रधान कार्यालयभित्र स्वागतका लागि एक हप्ताअघि नै कार्यक्रम तालिका बनाएर मातहत निकायमा सर्कुलर पनि पठाइयो । त्यसका साथै माघ २७ को बिहान निवर्तमान आइजिपीलाई घरसम्म पुर्‍याउन ‘स्कटिङ’ कसरी गर्ने भन्ने रिहल्सल पनि गरियो ।

निवर्तमान आइजिपी खनालले माघ २८ मै प्रहरी प्रधान कार्यालयभित्र बनाइएको अत्याधुनिक सेमिनार हलको उद्घाटन गर्ने कार्यक्रम थियो र त्यसै दिन उनीलगायत अवकाशमा जान लागेका अन्य अधिकृतहरूलाई बिदाइ पनि गरिँदै थियो ।

उता गृह मन्त्रालयमा त्यसै दिन प्रधानमन्त्रीसहितको राष्ट्रिय प्रजातन्त्र दिवस मूल समारोह समितिको बैठक बसेको थियो । माघ २९ मा आइजिपी नियुक्त ज्ञवाली भूतपूर्व आइजिपीहरू खड्गजीत बराल, अच्युतकृष्ण खरेल, रविन्द्रप्रताप शाह, कुवेरसिंह राना, उपेन्द्रकान्त अर्याल, प्रकाश अर्याल सबैलाई भेट्न गए । तर खनाललाई भने भेट्न गएनन् । ज्ञवाली खनाललाई भेट्न नगएपछि नेपाल प्रहरीमा हल्लीखल्ली मच्चियो ।

त्यहाँ सुरक्षा अङ्गका प्रमुखलाई बोलाइएको थिएन । तर सर्वेन्द्र खनाल गृह मन्त्रालय पुगे । प्रधानमन्त्रीले सम्बोधन गरिन्जेल त्यहाँ बसेका खनाल बैठक सकिएपछि गृहसचिव महेश्वर न्यौपानेको कोठामा छिरे । हिँड्ने बेलामा खनाल आएन भन्नुहुन्छ भनेर बिदाइ भेट गर्न आएको भने । बाहिर निस्केर सबैलाई बिदाइको हात हल्लाए । तर उनी गृहमन्त्री रामबहादुर थापा बादलको कार्यकक्षमा छिरेनन् ।

अन्तिम समयमा उनले गृहमन्त्रीलाई नै सलाम नगरी हिँडेपछि गृहमा सर्वेन्द्र खनाल स्वार्थी रहेछन् भन्ने चर्चा चल्यो । गृहपछि उनी प्रहरी प्रधान कार्यालय पुगे त्यहाँ उनको बिदाइ समारोहको तयारी हुँदै थियो । तर उनको विदाइका लागि न्यून प्रहरी अधिकारीहरूको उपस्थिति थियो ।

बिदाइ समारोहमा देखिएका प्रहरी अधिकारीहरूको अवस्था हेर्दा नेपाल प्रहरीभित्र स्वार्थी समूहहरूको झुन्ड मात्रै भएको आभास हुन्थ्यो । खनाल शक्तिमा रहँदा उनको वरिपरि लाग्नेको सङ्ख्याको हिसाबकिताबै नै हुँदैनथ्यो । हिँड्ने बेलामा आफ्नै सहकर्मी, ब्याची र सचिवालयका सदस्यसमेत उपस्थित थिएनन् ।

अवकाशमा जाने अन्य अधिकृतहरू आफ्नै विभाग र कार्यालयबाट बिदा भए । प्रहरी नियमअनुसार खनाललाई पनि करिब पाँच बजे निवास लगियो । शृङ्खला २ माघ २९गते २७औँ प्रहरी महानिरीक्षक (आइजिपी)को रूपमा ज्ञवालीले पदभार ग्रहण गरे । शपथ ग्रहणपछि नयाँ आइजिपीले निवर्तमानसहित भूतपूर्व आइजीपीहरुसँग भेटघाट गर्ने कार्यक्रम हुन्छ ।

२६औँ आइजिपी नियुक्त नहुँदासम्म नेपाल प्रहरीमा यसले निरन्तरता पायो । २६औँ आइजिपी नियुक्त भएका सर्वेन्द्र खनालले यसलाई तोडे । भूतपूर्व आइजिपीलाई उनी भेट्नै गएनन् । नजानुको कारण थियो तत्कालीन आइजिपीहरू प्रकाश अर्याल र उपेन्द्रकान्त अर्यालसँग उनको सम्बन्ध राम्रो थिएन । अर्यालद्वय रमेश खरेललाई आइजिपी बनाउन चाहन्थे । त्यति मात्र होइन, उनीहरूले खरेललाई नै कार्यसम्पादन मूल्याङ्कन नम्बर बढी दिएका कारण सम्बन्ध बिग्रेको थियो ।

त्यस कारण उनीहरू पनि भेट्नुपर्ने भएपछि त्यस्तो परम्परालाई खनालले निरन्तरता दिन चाहेनन् । अन्ततः त्यो निर्णय खनालकै लागि प्रत्युत्पादक भयो । माघ २९ मा आइजिपी नियुक्त ज्ञवाली भूतपूर्व आइजिपीहरू खड्गजीत बराल, अच्युतकृष्ण खरेल, रविन्द्रप्रताप शाह, कुवेरसिंह राना, उपेन्द्रकान्त अर्याल, प्रकाश अर्याल सबैलाई भेट्न गए । तर खनाललाई भने भेट्न गएनन् । ज्ञवाली खनाललाई भेट्न नगएपछि नेपाल प्रहरीमा हल्लीखल्ली मच्चियो । ‘जस्तो रोप्यो त्यस्तै फल लाग्यो, हिजो अरूलाई सम्मान नगर्नेले आज आफूले पनि सम्मान खोज्नु भएन’, प्रहरी महानिरीक्षक सचिवालयका एक सदस्यले भने ।

पाँच महिनामात्रै आइजिपी हुने भएकाले ज्ञवालीले खासै अरूलाई रिझाउनु पर्ने आवश्यकता नभएका कारण पनि उनले खनाललाई भेट्न आवश्यक ठानेनन् । पूर्वडिआइजी केदार रिजालमार्फत सेवा अवधि बढाउन लागिपरेका खनालले ज्ञवालीलाई आइजिपी हुनबाट रोक्न खोजेको गाँईगुई हल्ला पनि चलेको थियो ।

सम्बन्धित

ताजा अपडेट
प्रदेश २: प्रहरीको नीति नलाग्ने घुमुवाको मस्ती !
बाइडेनको मन्त्रिमण्डलमा उपराष्ट्रपति ह्यारिससहित १५ वटा कार्यकारी विभाग प्रमुख
कोरोना विरुद्धको १० लाख मात्राको खोप नेपाल आईपुग्यो

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]