About Contact
३० चैत्र २०७७, सोमबार
Close
बिज्ञापन
दिलीप हत्या प्रकरण: बन्दीप्रत्यक्षीकरणकाे रिट खारेज

खोज केन्द्र बुधबार, फाल्गुण ०७, २०७६ मा प्रकाशित

featured photo: खोज केन्द्र

मिथिला नगरपालिकाका दिलीप महतोको हत्या आरोपमा रिहा भएर फेरि पक्राउ परेकाहरुको रिट खारेज भएको छ ।

दिलिपको हत्या आरोपमा जिल्ला अदालत धनुषाबाट गएको बुधबार २५-२५ हजार रुपैयाँ धरौटीमा रिहा भएका क्रसर उद्योग सञ्चालकका सहयोगी जितेन्द्र भनिने सत्यानारायण महतो, बृजमोहन भनिने शत्रुधन महतो र रोशन यादवलाई तत्कालै प्रहरीले अदालत परिसरबाटै फेरि पक्राउ गरेको थियो ।

गएको शुक्रबार नै तीनै जना आरोपितका आफन्तले उच्च अदालत जनकपुरमा जिल्ला प्रहरी कार्यालय धनुषालाई विपक्षी बनाइ बन्दीप्रत्यक्षीकरणकाे रिट दायर गरेका थिए । त्यस रिटमा सुनुवाइ गर्दै उच्च अदालत जनकपुरका न्यायाधीश बालकृष्ण उप्रेती र उज्ज्वल शुक्लको संयुक्त इजलासले खारेज गर्ने फैसला गरेको हो ।

गएकाे पुस २५ गते बिहान धनुषाको मिथिला नगरपालिका ५ श्रीपुरका २४ वर्षीय दिलीप महतोलाई घरनजिकैको औरही खोलामा अवैध खोला उत्खनन रोक्न गएको बेला टिपरले कुल्चाएर हत्या गरिएको थियो ।

दिलिपको हत्या आरोपमा पक्राउ परेका ६ जनामध्ये धनुषा जिल्ला अदालतले गएको बुधबार चुरियामाई प्रशोधन क्रसर सञ्चालक विपिन महतो, कुल्चने टिप्पर चालक मुनिन्द्र महतो र लोडर चालक रञ्जित भनिने जितेन्द्र महतोलाई पुर्पक्षका लागि कारागार चलानको आदेश दिएको थियो ।

त्यसै घटनामा अन्य आरोपित भनिएका सत्यनारायण, बृजमोहन र रोशनलाई घटनामा प्रत्यक्ष संलग्नता नदेखिएको भनी अदालत २५–२५ हजार रुपैयाँ धरौटीमा छोड्न आदेश गरेको थियो ।

जिल्ला अदालतको आदेशलगतै धरौटी बुझाएर साधारण तारेखमा छुटेका रोशन, सत्यानारायण र शत्रुधनले होहल्ला गरेपछि शान्तिसुरक्षा भंग गरेको आरोपमा प्रहरीले केहि समयमै अदालत परिसरबाटै फेरि पक्राउ गरेको थियो ।

जिल्ला प्रहरी कार्यालय धनुषाले सार्वजनिक शान्ति सुरक्षाको कसुर अन्तर्गत रिहा भएलगतै फेरि तीनै जनालाई पक्राउ गरी शुक्रबार जिल्ला प्रशासन कार्यालय धनुषा मार्फत म्याद थप गरी थप अनुसन्धान गरिरहेको छ ।

सम्बन्धित

ताजा अपडेट
प्रदेस २: एमालेमा गएका चार सांसद पदमुक्त
मिथिला लघुवित्तको सञ्चालकमा मन्दिरा आचार्य निर्वाचित
बन्ने भो सहिद नितु यादव स्मृति भवन, भौतिक मन्त्री सोनलद्वारा शिलान्यास

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]