About Contact
३० चैत्र २०७७, सोमबार
Close
बिज्ञापन
प्रदेश २: सशस्त्रको सेटिङमा धनुषाबाट तस्करी सुचारु

खोज केन्द्र मंगलबार, फाल्गुण ०६, २०७६ मा प्रकाशित

featured photo: खोज केन्द्र

जनकपुर, ६ फागुन। धनुषाका विभिन्न नाकाहरूबाट खुलेआम तस्करी सुरु भएको छ ।

चोरी तस्करी नियन्त्रण गर्ने र राजस्व संकलनमा टेवा पुर्‍याउने उद्देश्यले सरकारले भन्सार कार्यालयहरूमा सशस्त्र प्रहरीको गुल्म नै राखिदिएको छ । तर, भन्सारमा रहेका सशस्त्रका गुल्मका प्रमुखले नै घुमुवाहरू परिचालन गरी तस्करहरूबाट रकम असुली गरिरहेका कारण एकातर्फ राजस्व संकलन प्रभावित भइरहेको छ भने अर्कोतर्फ तस्करी खुलम्खुला चलिरहेको छ । यसको उदाहरण हो अहिले धनुषा तस्करहरूको कार्यथलो बन्नु ।

सशस्त्रका २ नम्बर प्रदेशका डिआइजी राजु अर्यालले आफ्नो   मातहतका प्रहरीहरूको संरक्षणमा चोरी तस्करी भएको निगरानी गर्न र चोरी तस्करीका सामान पक्राउ गर्न डिएसपि डम्बर राणा, प्रहरी निरीक्षक बाबुराम थापाको कमाण्डमा छुट्टै टोली परिचालन गरेका छन् । यो टोलीले चोरी तस्करीका सामानहरू पनि पक्राउ गरेको छ । तर गोप्यरूपमा परिचालन हुनुपर्ने निरीक्षक थापाको टोली त्यसो नभई हल्ला गरेर परिचालन हुने गर्दछ ।

निरीक्षक थापा स्वयम् नै धेरै बिओपीका निरीक्षकहरू आफ्ना व्याजी भएका कारण ‘पार्टनर म आउँदैछु’ भनी भन्ने गरेको समेत सोही टोलीमा खटिएका प्रहरीहरू बताउँछन् । जब बाहिनीबाट डिआइजीको सिभिल टोली खबर गरेर परिचालित हुन्छ तब ती जिल्लाका सीमा क्षेत्रका बिओपीका निरीक्षकहरूले एक दिनका लागि तस्करी रोकिदिन्छन् ।

जब थापा हिँड्छन् त्यसपछि तस्करी सुरु हुन्छ । अहिले २ नम्बर प्रदेशमा यही भएको छ । जनकपुरमा त खुलेआम तस्करी भइरहेको छ ।

खजुरी नाकाबाटा चाइनिज उपनामल चिनिने जाउलुले मरीच, केराउ र छोहडाको ठूलो तस्करी गरिरहेका छन् । त्यसैगरी मैनाथपुर नाकाबाट राजीव र डाक्टर भन्नेले खुलेआम तस्करी गरिरहेका छन् ।

धनौजी नाकाबाट बर्तुला, नइम र सन्तुलाले ठूलो तस्करीको लाइन चलाइरहेका छन् भने जटही नाकाबाट सुल्तान भन्नेको तस्करी खुलेआम भइरहेको छ । यी तस्करहरूले धनौजी र जटहीका बिओपीका निरीक्षकहरूलाई मासिक मोटो रकम दिएर आफ्नो तस्करी संरक्षित गरिरहेका छन् । फुलगामा नाका मरिच र मदिरा तस्करी को मूल नाका नै बनेको छ ।

उनीहरूले सामानको केबल ४० प्रतिशतको मात्रै भन्सार काट्ने र बाँकी भन्सार र सशस्त्र प्रहरीको भन्सारका प्रमुख प्रहरी निरीक्षक प्रकाश भट्ट र उनका घुमुवा हबल्दार विमलेस ठाकुरलाई प्रयोग गरी तस्करी गराइरहेका छन् ।

निरीक्षक भट्टले हबल्दार ठाकृुरलाई घुमुवाका रूपमा परिचालन गरिरहेका छन् । यी घुमुवा ठाकुरले जनकपुर भन्सारबाट तस्करीको लाइन पाएका राजीव, सुरेश, अलाम र उमेशलाई ठूलो तस्करीको लाइन दिएका र उनीहरूबाट निरीक्षक भट्टको नाममा मासिक ३ देखि ४ लाख रूपैयाँ उठाउने गरेको समेत यहाँका सशस्त्र प्रहरीहरू नै बताउँछन् ।

त्यसैगरी फुलगामा नाकाबाट उमेशले मरीचको ठूलो तस्करीको लाइन चलाइरहेका छन् । यी तस्करहरूले सशस्त्रको धनुषास्थित ८ नम्बर गणका एसपी राजेश उप्रेतीका घुमुवा सिपाही दिपेश सिंहलाई पनि मासिकरूपमा मोटो रकम दिँदै आएका छन् ।

मकवानपुरस्थित १४ नम्बर गणमा दरबन्दी भएका घुमुवा दिपेश सिंहलाई भन्सार हेर्ने गरी एसपी राजेश उप्रेतीले परिचालन गरेका छन् । एसपीका घुमुवा दिपेश सिंहले अर्का घुमुवा विमलेस ठाकुर मार्फत् तस्करहरूसँग चिनजान र सम्पर्क गरी रकम उठाउने गरेको समेत थाहा भएको छ ।

बर्तुला थरका एक तस्करले सशस्त्रका यी घुमुवाहरूलाई मासिकरूपमा मोटो रकम नदिई कामै गर्न नसक्ने भएपछि आफूहरूले बाध्य भएर रकम दिई तस्करी गर्नु परेको जानकारी दिए ।

बाहिनीले धेरै विवादमा परेका कारण सिपाही रामजीवन यादवलाई जनकपुरबाट बारा लखेटेका थिए । बिदामा भएका बेला निजले चाँदी पक्राउ गरेपछि उनी विवादमा समेत तानिएका थिए ।

यसरी धनुषामा भन्सारका निरीक्षकदेखि गणका एसपीसम्मले घुमुवाहरू परिचालन गरी व्यापारीदेखि तस्करहरूसँग रकम असुली गर्ने क्रम तीव्र रूपमा भइरहेको छ भने घुमुवाहरूले आफ्ना कार्यालय प्रमुखका नाममा खुलेआम रकम असुली गरिरहेका छन् ।

सम्बन्धित

ताजा अपडेट
मिथिला लघुवित्तको सञ्चालकमा मन्दिरा आचार्य निर्वाचित
बन्ने भो सहिद नितु यादव स्मृति भवन, भौतिक मन्त्री सोनलद्वारा शिलान्यास
जउवा संघको निर्वाचनमा अतिरिक्त मतपत्र फेला, असन्तुष्ट द्वारा प्रदर्शन, चार जना घाईते

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]