About Contact
१४ आश्विन २०७७, बुधबार
Close
बिज्ञापन
बेटी पढाऊ बेटी बचाऊ कार्यक्रम अन्तर्गत गरुडा नगरपालिकामा छोरीको बीमाको रकम दोब्बर

खोज केन्द्र आइतबार, माघ १२, २०७६ मा प्रकाशित

featured photo: खोज केन्द्र

प्रदेश २ सरकारले मुख्यमन्त्री बेटी पढाऊ बेटी बचाऊ कार्यक्रम अन्तर्गत छोरीको बीमा गरिने कार्यक्रम संचालन गरिरहेकोमा रौतहटको एउटा नगरपालिकामा बीमाको रकम दोब्बर हुने भएको छ ।

रौतहटको गरुडा नगरपालिकामा आयोजित तीन दिवसीय छोरी शिक्षा बीमा मुद्दती बचत खाता कार्यक्रमको पहिलो दिन नगर प्रमुख इन्नु राय यादवले गरुडा नगरपालिकामा बीमाको रकम दोब्बर हुने घोषणा गरेका छन् ।

तीन दिनसम्म चल्ने शिविरमा बीमा गरिने छोरीको रकममा प्रदेश सरकारले दिएको रकम बराबर नगरपालिकाले पनि थप गरी छोरीको खातामा दोब्बर रकम जम्मा हुने मेयर यादवले बताएका छन् ।

प्रदेशमा महिलाको अवस्थामा सुधार र छोरीको शिक्षामा व्यापक सुधार हुने अपेक्षासहित शुरु गरेको महत्वाकांक्षी योजना मुख्यमन्त्री बेटी पढाऊ बेटी बचाऊ अभियानलाई अझ सशक्त बनाउन घरदैलोमै बीमा गरिने सुविधा थपेको छ । यस अन्तर्गत गरुडा नगरपालिकाका तीन ठाउँमा तीन दिन बीमा गरिने कार्यक्रम रहेको छ ।

कार्यक्रमको पहिलो दिन गरुडामा बीमा गराउनेको भीड रहेको छ । नगरमा करीब पाँच सयजना छोरीको बीमा हुने पूर्वानुमान गरिएको वडा नम्बर ५ का वडाध्यक्ष अशोकप्रसाद यादवले जानकारी गराएका छन् । बीमा रकम दोब्बर हुने भएपछि अवधि समाप्त हुँदा बिमित छोरीले कम्तीमा दुई लाख रुपैयाँ पाउने छन् ।

प्रदेश सरकारको कार्यक्रममा नगरपालिकाको तर्फबाट त्यत्तिकै रकम थप भएपछि बीमा कार्यक्रम थप प्रभावकारी हुने उपमेयर रंगीलादेवी जयसवालले बताएकी छन् ।

सम्बन्धित

ताजा अपडेट
प्रदेस २: ‘रियल टाइम’ पीसीआर मेसिन खरिदमा करोडौं भ्रष्टाचार
सर्लाहीमा गैरकानूनी रुपमा सञ्चालन १६ क्रसर उद्योग बन्द
नेपाल रेल्वे: १२९ कर्मचारीको लागि ३२ हजार आवेदन

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]