About Contact
०८ कार्तिक २०७७, शनिबार
Close
बिज्ञापन
बेलायती टोलीद्वारा बाराको ऐतिहासिक सिम्रौनगढको पहिलोचोटि वैज्ञानिक अध्ययन शुरु

खोज केन्द्र बिहिबार, माघ ०९, २०७६ मा प्रकाशित

featured photo: खोज केन्द्र

बाराको ऐतिहासिक सिम्रौनगढको पुरातात्विक अध्ययन शुरु गरिएको छ ।

बेलायतको दुर्हम विश्वविद्यालयको टोलीले सिम्रौनगढको पहिलोचोटि वैज्ञानिक किसिमले भू–भौतिकी सर्वेक्षण गरी पुरातात्विक अध्ययन शुरु गरिएको हो।

जमिनमुनि दुई मिटरसम्मको पुरातात्विक एक्सरे गर्न सक्ने मेसिनको सहायताले बेलायतको दुर्हम विश्वविद्यालयका रिची विलिस र एलिक नेलोरको संयुक्त टोलीले सिम्रौनगढको पुरातात्विक अध्ययन गरेको हो ।

यसअघि दुवैजनाको टोलीले रौतहटको मौलापुर नगरपालिकाको पतौरामा रहेको प्राचीन भूतनाथ महादेव मन्दिरको पुरातात्विक सर्वेक्षण गरेको थियो ।

सन् १०९७ मा भारतको कनाटका सेनापति नान्यदेवले विजय अभियान उत्तरतिर चलाउँदै जाँदा सिम्रौनगढमा राजधानी बनाएर डोयराज्यको स्थापना गरेका थिए । सन् १३२४ मा दिल्लीका बादशाह गयासुद्दिन तुगलकको आक्रमणमा ध्वस्त भएको सिम्रौनगढको इतिहासको बारेमा धेरै कुरा अज्ञात छ ।

कतिपयले सिम्रौनगढमा राजधानी बनाउनुअघि नै यस क्षेत्रमा प्राचीन समृद्ध बस्ती रहेको अनुमान गरेका छन् । बेलायती टोलीले सिम्रौनगढको भू–भौतिकी सर्वेक्षण भएपछि केही महीनामा सिम्रौनगढको इतिहासको बारेमा थप जानकारी आउने विश्वास गरिएको छ ।

गत २७ वर्षमा पहिलोचोटि भू–भौतिकी सर्वेक्षण गरिएको सिम्रौनगढको बारेमा अध्ययन गरिरहेका स्थानीय डीके सिंहले बताएका छन् । सिम्रौनगढ नगरपालिकाका नगर प्रमुख विजयशंकर यादवसहित स्थानीय संघसंस्थाले टोलीलाई सहयोग गरेका छन् ।

बेलायती टोलीको अध्ययनले डोयराज्यका राजाको महलको अवशेष जमिनमुनि देखिएको, जमिनमुनि नै विभिन्न पर्खाल देखिएको सिंहले बताएका छन् । एक्सरे मेसिनले जमिनमुनिको फोटो खिचेको र केही महीनामा वास्तविक तथ्य बाहिर आउने विश्वास व्यक्त गरिएको सिंहले जानकारी गराएका छन् ।

सम्बन्धित

ताजा अपडेट
पूर्वराजा ज्ञानेन्द्रको सरकारलाई प्रश्न- जनताको अभिभावक खोई !
रअ प्रमुखले के के विषय उठाए ? मधेसवादीलाई दिएनन् भेट !
सहिद नगरपालिकामा नेकपा परित्याग गरी धमाधम कांग्रेसमा प्रवेश गर्दै

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]