About Contact
११ मंसिर २०७७, बिहिबार
Close
बिज्ञापन
नक्कली उपभोक्ता समिति बनाई रकम हिनामिना गर्ने सिराहाका एक पूर्वसांसदसहित सात जनाविरुद्ध भ्रष्टाचार मुद्दा दायर

भ्रष्टाचभ

खोज केन्द्र बुधबार, माघ ०१, २०७६ मा प्रकाशित

featured photo: खोज केन्द्र

नक्कली उपभोक्ता समिति बनाई रकम हिनामिना गर्ने सिराहाका एक पूर्वसांसदसहित सात जनाविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको छ।

अग्नीसाइर कृष्णसवरण गाउँपालिका २ र ३ मा पर्ने सडक ग्राभेल गर्न किर्ते व्यक्ति खडा गरी उपभोक्ता समिति गठन गरेर पूर्वाधार विकास कार्यालयसँग सम्झौता गरि रकम हिनामिना गरेको आरोपमा पूर्वसांसद विपी यादव तथा तत्कालीन राजपा केन्द्रीय सदस्य हरिनारायण मण्डल, विरेन्द्रकुमार मण्डल, कृष्णकुमार यादव र नायब सुव्वा भागवत यादवविरुद्ध मुद्दा दायर गरिएको हो।

उनीहरुले एउटा कामको लागि गठन भएको उपभोक्ता समितिका पदाधिरीको नागरिकताको फोटोकपीमा विवरण सच्याएर अर्को उपभोक्ता समितिको लागि सिफारीस गर्न लगाएको अनुसन्धानबाट खुलेको अख्तियारले जनाएको छ।

राजगढ गाउँपालिकास्थित मुतनी नदी सिंचाई आयोजनाको कार्य गर्न गठित उपभोक्ता समितिका पदाधिकारीहरुको नागरिकताको फोटोकपीमा विवरण सच्याएर अग्निसाइर कृष्णसवरण गाउँपालिकाको इटहर्वादेखि कनौलीबाट आधारभूत विद्यालय इटहर्वासम्मको सडक निर्माणमा प्रदेश सरकारले भौतिक पूर्वाधार विकास मन्त्रालय जनकपुरको नाउँमा सिफारिस पत्र बनाउन लगाएको खुलेको छ।

गलत कागजातको आधारमा योजना सम्झौता गर्दा पनि उनीहरुले नक्कली उपभोक्ता समितिका अध्यक्ष, कोषाध्यक्ष र सचिवजस्ता पदाधिकारीहरुको उपस्थिति बिना नै सम्झौता गराएको तथा कृष्णकुमार यादवको नाममा सिद्धार्थ बैंक राजविराज शाखामा खाता खोल्न सिफारिससमेत गरेको खुलेको अख्तियारले जनाएको छ।

अख्तियारले विश्वनाथ, हरि, विरेन्द्रकुमार, र कृष्णकुमारविरुद्ध २५ लाख बिगो माग दाबी गरेको प्रवक्ता प्रदीपकुमार कोइरालाले जानकारी दिए।

यस्तै अख्तियारले सुर्खेत भेरीगंगा नगरपालिका–१३ साजगोठेरी सामुदायिक वन उपभोक्ता समितिका अध्यक्ष कहरसिंह नेपालीविरुद्ध २ लाख १६ हजार ५ सय बिगो माग दाबी गर्दै मुद्दा दायर गरेको छ।

वन हेरालुलाई पारिश्रमिकबापत् रकम उपलब्ध गराउँदा अध्यक्ष नेपालीले बिभिन्न व्यक्तिहरुले रकम बुझेको नक्कली बिल भरपाई बनाई आफैंले सो रकम लिएको अनुसन्धानबाट खुलेको अख्तियारले जनाएको छ।

सम्बन्धित

ताजा अपडेट
बर्दिबासमा बलात्कार गरी हत्या गरेकी बालिकाको न्यायको जानकी मन्दिरमा श्रध्दाञ्जलि
जनकपुरमा घन्कियो: ‘राजा आउ, देश बचाउ’
बर्दिबास प्रदर्शन झन उग्र : प्रहरीको गोली लागेका युवकको मृत्यु

लोकप्रिय

Click Here

हाम्रो बारेमा

khojkendra.com अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

Social Media

टिमहरु

सम्पादक:राजकमल सिंह
सह-सम्पादक:शिबेन्द्र यादव
सल्लाहकार:ईश्वर चन्द्र झा
IT:सुरेन्द्र सिंह (कुशवाहा)

Contact

OBT Media Pvt.Ltd
Bhanu Chauk, Janakpur
Mobile:9801206555
Email:[email protected]